瑞士旅行 -- 鐵力士峰還是少女峰

henry兄有野想問，小弟梗係要幫下手。我未去過鐵力士峰。但據聞香港旅行團唔上少女峰係因為少女峰山頂天氣唔穩定，可能咩都睇唔到。但小弟好好彩，當時我係八月頭上去，竟然萬里無雲！上面四周圍都係好純白既雪景，尤其係觀景台望見阿雷奇冰川既景色，正如樓上Foxy兄話齋，真係好似天堂一樣！我建議henry兄真係等熱天啲先上去，咁多雲既機會應該會少啲。另外，如果可以，我建議你唔好住Interlaken既酒店，應該住係往峰頂其中一個小鎮，因為住係呢啲小鎮既酒店好似真係住係仙境一樣！當時我住係較高既Wengen，人少啲，空氣亦清新啲。另外，上少女峰如果有Eurailpass，買飛可以5折。
至於消費，少女峰一帶無咩野賣，最多得啲紀念品店，一日三餐又可以係酒店搞店，所以應該無咩錢駛。值得一提既係Interlaken兩邊各有一個湖，如果有Eurailpass，可以免費坐古董船遊湖，全程三個鐘。個湖超靚，附近景色亦好似幅畫咁，henry兄千祈唔好走寶。

個人覺得少女峰靚d~ 上到山上，有一種去到天堂的感覺! 而且是歐洲第一高峰!
但我去鐵力士峰時遇著大風雪，甚麼都看不到~ 但鐵力士峰主要都係坐360度旋轉吊車~
至於消費，都是差不多~ 如果有pass，就可以上少女峰，鐵力士好似要補錢~
P.S. 不過都要視乎天氣~