✔ 最佳答案
論呎價,我覺得都算合理.而且同區都唔可以再起咁高的樓宇,要搵咁高質素用料 & 會所 & 景觀的新樓,未來應該唔會出現,我相信有一定保值及升值潛力.
不過,向前排F同G,除左向南同望維港景外,向下望多多少少會望到大酒店 & 殯儀館車( 仲有機會聽到人地燒衣時,一路喊住不停叫:收野啦.....呢D聲音 ),再加上西九龍走廊天橋噪音,你可唔可以接受先?仲有,向前排景觀現時真係無敵,但未來如果埃華街一帶的舊樓,一旦重建起樓,就算只係起40層,個無敵維港景即刻會俾人擋左一部分,我覺得唔係太抵買.
除非你真係非望維港VIEW不可,否則,我反而建議你買向後排高層的A - D室,AB室一樣有海景,CD室就望九龍市區遠至九龍塘VIEW,我個人覺得仲舒服過前排E - H室. ( 向東北望太子至九龍塘景觀都或者會有變,但影響唔會太大.因為距離遠.反而向西北望葵涌及昂船洲海景就安全好多,不過方向唔好,未必個個鍾意 )