請問：亮賢居400萬中高層，買唔買得過？

論呎價,我覺得都算合理.而且同區都唔可以再起咁高的樓宇,要搵咁高質素用料 & 會所 & 景觀的新樓,未來應該唔會出現,我相信有一定保值及升值潛力.

不過,向前排F同G,除左向南同望維港景外,向下望多多少少會望到大酒店 & 殯儀館車( 仲有機會聽到人地燒衣時,一路喊住不停叫:收野啦.....呢D聲音 ),再加上西九龍走廊天橋噪音,你可唔可以接受先?仲有,向前排景觀現時真係無敵,但未來如果埃華街一帶的舊樓,一旦重建起樓,就算只係起40層,個無敵維港景即刻會俾人擋左一部分,我覺得唔係太抵買.

除非你真係非望維港VIEW不可,否則,我反而建議你買向後排高層的A - D室,AB室一樣有海景,CD室就望九龍市區遠至九龍塘VIEW,我個人覺得仲舒服過前排E - H室. ( 向東北望太子至九龍塘景觀都或者會有變,但影響唔會太大.因為距離遠.反而向西北望葵涌及昂船洲海景就安全好多,不過方向唔好,未必個個鍾意 )

本人覺得唔抵買

先講一講亮賢居的升值潛力先.. 首先亮賢居係位於大角嘴,係一個舊區, 舊區做到六千蚊呎係算高的呎價 , 你要計埋下一手買入的價錢,你$400萬買入,賺一成多至兩成, 呢個利潤唔過份 , 計埋手續費, $500萬左右 呎價係幾多呢, 七千蚊幾, 奧運站都可以有貨揀

加上單幢物業物的升幅都較細, 交通唔方使,加上成交量唔多
造成 難賣難租 , 阻礙了升幅 .

希望你可以做個參考
如有疑問可e-mail 俾我 盡量給你數據

您好，雅虎新建了一個很不錯的關于香港房地產方面的網站，上面有不少租房，買賣房產的信息和常見問題解決方案。

http://www.yahoo-real-estate.info/

祝你好運！