醫狗腸胃炎,狗瘟,又痾,又嘔!重痾血添,勁急急急(20點)

你依刻o既心情, 我四個月前先試過, 我好明白!! 但係如果你隻狗只得幾個月大的話, 我諗佢完全好番o既機會都係得兩三成左右.....我之前o個隻買番來得兩個半月o既長毛芝娃娃, 都係一樣中晒腸胃炎(腸病毒)及狗瘟, 第一次去睇醫生同我講隻狗有腸胃炎, 我隻狗仔都係痾爛屎同唔肯食狗糧(但佢肯食雞肉), 因我當時o既想法同你現在一樣想醫好佢, 於是不斷睇醫生食藥, 差唔多成個月左右, 隻狗仔d 便便開始正常, 而我一直都係餵雞肉俾佢食, 但到我一心以為真係醫好佢o既時候再帶番去診所做多一次詳細檢查, 點知發現中埋狗瘟, 所以我最後都係俾番o個間寵物店, 因為我承受唔到隻狗之後一定會出現o既後遺症.....狗瘟依個病如果配合藥物及主人o既悉心照料及本身狗隻o既生存意志是可以康復的, 但狗隻之後o既後遺症有好多, 如間中抽筋, 歪頭, 搖頭等.

不過我好欣賞你有依個心, 但你要知道若果真係決定要救的話, 所付出o既金錢, 時間, 耐性o係要好多的, 你依家隻狗如果仲肯食野的話盡量俾多d 佢食, 最好少食多餐, 如果唔肯食糧的話, 你可以買雞胸或雞脾肉去皮蒸熟撕一條條餵, 多數都引到佢食, 飲水方面可以加少少葡萄糖粉落水度俾佢飲, 如果都唔肯食就用餵食針筒將濕軟左o既狗糧直接打入佢個口度迫佢食, 總之隻狗食唔到野就好難救架喇, 另外依家夏天屋企開冷氣的話, 最緊要俾張大d 厚d 毛巾佢訓, 一定要夠暖唔好冷親, 而最當務之急就梗係即刻帶佢去睇醫生啦, 我建議你可以去城市獸醫搵肥佬鬼佬醫生(o係荃灣, 以下提供埋網址俾你睇吓資料: http://hk.88db.com/hk/Services/Post_Detail.page/Pet/Veterinary/?PostID=150985 ) 我有一個朋友隻八哥都係佢醫好番, 而家成6歲喇, 後遺症只係久唔久會抽筋...........希望你可以成功救到你隻狗啦!

2009-08-18 16:44:42 補充：
(我甚少上來答問題,所以找不到補充回答這一項, 我在意見這裡答你啦!) 腸胃炎o既主要病徵一定會痾同冇胃口(包括飲水), 但隻狗仔一定要飲水架, 唔可以因為驚佢會痾而唔飲, 要迫佢飲, 可以用我之前教你個方法用餵食針筒, 這針筒其實係普通針筒(藥房有售,幾蚊一支, 建議你買支較大方便吸取流質食物), 買左番來將頭部尖利針部除去便可, 你將佢個口撐開將針筒貼近佢條脷中間近喉嚨將針筒內之水或食物唧入去, 佢自然會吞........我想問多樣野其實隻狗係咪已經o係獸醫度確診左係有依兩個病?? 因為依兩個病如果同時都出現病徵的話, 如果仲唔食藥治療好快會死, 我建議你都係盡快帶佢去睇獸醫開藥啦~

2009-08-21 14:51:27 補充：
你有冇同佢去睇獸醫?? 如果有的話應該有藥食同醫生會俾一種專係腸胃炎o既狗糧你隻狗食, 我之前隻狗都肯食呢隻狗糧, 都食好左.......依家最主要令佢肯食多d 野同埋止左佢肚痾先.

佢現在還全身無力添,怎辦呀?

咁嚴重嘅疾病，你只可相信医生！狗瘟唔係一定医唔到，適當嘅治療、家人嘅鼓勵加上狗狗意志力，有機會康復，但以後或体質較弱，家人要加倍照顧。希望狗狗好快康復，網友幫唔到你Ｄ乜。