✔ 最佳答案
你真係決定想韓國讀中五,我唔係話唔好,不過韓國讀中學升大學既競爭機會好大,我覺得你會好辛苦。
咁你今年學韓文既話記得要留意返自己韓文學校既上課時間,如果你真係咁想去韓國讀書,因為佢地都會睇返你係香港既成績既。
1. 韓國既中學以我所知就係大多數都只會係收返自己本土既韓國人同埋係韓藉既韓國人,如果你要去韓國讀中學,可能就只可以選擇讀國際學校,我記得首爾市好似係有一間國際學校既(但係又好似係讀外文既中學),但係就唔記得左個名,如果你真係要既,我先幫係上網睇返
2. 如果你讀國際學校既,除左韓文要好之外,仲要英文好啦!!因為入面唔只得韓國人,仲會有的韓藉人士。當然你自己係香港既成績都要ok先得。
3. 首先你應該dl張入學既表格,之後寄返去個間韓國學校,當韓國學校收到你之後你就可以匯錢去收你個間韓國學校,之後佢地會寄返張成功申請既紙俾你,你拎住呢張就可以去攪visa同買機票
4. 韓國既入學應該係3月既(因為韓國的大學上學期係3月,下學期係9月)
5. 住宿呢個我就唔係太清楚,不過你選擇學校既時候,可以選擇埋可以有寄宿既學校,如果冇寄宿既,你可能要好似的係韓國讀大學既人咁要係出面租屋住。
6. 會唔會好貴係叫住宿??我家姐個時租都要2-3蚊港幣一個月,學費就唔多清楚
7. 當地既開支係會視孚你自己同埋當時既匯率(我家姐係韓國個時,一年唔係好點買野都用左爸爸10萬蚊一年,而家應該會平的既,因為匯率低左)
不過我都係會建議你不如讀完中學先再去,如果你係為左升到上韓國既大學,因為韓國的大學每年都會有的位係留俾係當地讀完韓文既學生既,咁就冇咁辛苦,因為我驚你去到讀完中學就升唔到上去,你會唔開心,之後又要擔心自己日後點算。而且我可以講既就係我唔知道韓國的中學,香港有冇公司認可。
2009-08-17 14:17:50 補充:
第6點,係2-3千蚊一個月,就唔包食既,食既一係自己整,一係出去食
2009-09-01 18:56:56 補充:
我幫你搵到韓國既國際學校係收外國人,不過就要去釜山讀,係記宿既