倉鼠的日用品

A.唔係幾明,點解你住石籬會想去屯門買野呢?又遠,屯門買野又會貴d,去旺角金魚街都仲近d,又平又多選擇;屯門鼠店資料可參考:http://hk.knowledge.yahoo.com/question?qid=7008072901768

B.買鼠時要買既物品及大約價錢:
1)鼠籠(數十~數百都有)
要揀一d地板,樓梯係冇一間間既,因為一間間既地板好易會卡住鼠鼠,我細個時就係因為咁而有隻鼠因為咁而死.鼠鼠好多都會咬籠,如果怕佢地成日咬,可以買一d較密封既籠.
2)水樽
多數籠都包埋,每次換水時必須用手試下係咪出到水.
3)沖涼粉($30~65)
千萬唔好買有味既沖涼粉,有味既比較易令鼠鼠過敏,一星期沖一次,太熱時最多兩次,唔可以用水沖涼
4)磨牙石($10)
唔磨牙會死既,所以一定要有,普通既同鹽磚都ok,如果鼠鼠唔咬,就最好買d木制玩具俾鼠鼠咬,唔係隻隻鼠都會咬特定既野,因為佢地唔知樣物件係點用既.
5)轉輪(較大$30~55)
都係多數籠會包埋,但都要留意唔好係一間間有隙會卡鼠腳既,唔係都會好危險.球體轉輪會令鼠鼠有壓力,都係唔適合鼠鼠鼠鼠好需要活動,而大多喜歡轉輪,所以都係必需品.倉鼠係夜晚活動,日頭訓覺,怕嘈既話可以用一d安靜既轉輪,又可以搽d牛油落去個軸度,當然咁整要成日洗下個轉啦
6)鼠糧($30~40)
買一包咩都有d既混合主糧,唔需要買零食,我個人經驗係愈少雜食,鼠鼠身體愈健康,可以去到年老都冇病.唔好俾鼠鼠食蔬果,因為易肚瀉,又可能有農藥等問題
7)乾草or草磚 ($15-40)
鼠糧外可再買草俾鼠鼠食,而草磚有隻只係草既色,呢隻我好多隻鼠都唔會食,可以試下買有幾隻味既草磚
8)食物盆($10~60)
最好就用一d咬唔爛既食物盆啦,買一d大既不秀鋼食物盆之類就幾好用,大到可以放得落成隻鼠,食物唔易飛出,而且鼠鼠好鍾意成隻坐晒入去咁食野既,雖然會貴d,但好耐用又安全,我既鼠用開既,都用左好多年了
9)木糠($5~30)
可以既話買d較貴既木糠,因為冇咁碎,碎既木糠易令鼠鼠有呼吸道問題,而有味既木糠就唔好買啦,加埋鼠既排泄物味,係會好臭既,都易令鼠鼠敏感.
10)屋仔(跟籠or自買,約$30~50)
有屋仔會令鼠鼠住得安心d,較有安全感,唔好買草屋,陶瓷屋之類易爛既屋仔,唔係會整親鼠鼠
11)玩具(視情況而定,可以唔買)
除左轉輪,鼠鼠玩既玩具最好係鼠鼠專用既木制玩具,因為自己整既木易有刺,可以俾鼠鼠爬唻爬去,鑽唻鑽去既就多數都會玩,但要留意,買熊仔鼠既話,因為體形會較大,就唔適合買鑽唻鑽去既玩具,避免大左玩唔到or卡在內
唔好買波波球之類(有d係成架車,車上有個球,類似既玩具),都算係危險既玩具,因為通風做得比較差,而且鼠鼠被困入面,會令鼠鼠感到壓力,想像下你被困一個咁既物品入面,行極都出唔到去有咩感覺?所以呢款玩具唔係幾適合鼠鼠玩既

C.養鼠除左要諗買咩之外,要明白養鼠仲可能會需要帶鼠鼠睇醫生既費用,揀鼠要留意既事,養前要考慮d咩,用品資料及飼養方法可參考以下我回答既知識:
http://hk.knowledge.yahoo.com/question?qid=7009071601427

除左買鼠要留意以上問題之外,最好留意埋以下既事:
1)之前先買齊鼠籠同用品,砌好晒個籠,諗真D有冇D咩買漏先再買鼠,咁就唔怕漏左D咩,而且鼠鼠返到屋企可以即時有地方住,唔洗等,減少受驚既機會
2)買物品同鼠一齊買又易心急而忽略左是旦一樣(我細個成日都係咁,揀左鼠就好想快D走,人地話買咩都差唔多唔想諗就買),而且咁就好易拎住太多野返屋企,而令鼠鼠途中更唔定
3)買鼠最好係就近自己屋企,咁就唔洗帶住鼠鼠在街好耐,令鼠鼠易受驚
4)天氣熱,小心帶住鼠鼠出入冷氣地方,一冷一熱會生病