我想問點樣由將軍澳搭車去九龍塘當代書院？

^^ 好啦～等我幫下你啦～ ^^


1.　地鐵轉咩小巴？
如果你真係好想坐港鐵轉小巴，可以咁喎！
－－－
方法一
－－－
坐將軍澳線到調景嶺站 (如果在調景嶺站出發就不用坐將軍澳線)，過對面坐觀塘線到鑽石山站呀！然後，行去 C2 出口，坐專線小巴 70！愛華閣第二期對出的小巴站下車，咁你前面會有條過路線啦．．．過對面，沿喇沙利道行呀！！去到界限界轉左沿過路線到對面就到！！
車費：港鐵　成人八達通$6.6 / 特惠或學生八達通$3.3 / 成人或學生車票$7.5 / 特惠車票$4
　　　專線小巴 70　$7.6
－－－
方法二
－－－
坐將軍澳線到調景嶺站 (如果在調景嶺站出發就不用坐將軍澳線)，過對面坐觀塘線到九龍塘站呀！然後，行去 E 出口，坐專線小巴 25M！碧華花園第 6 座對出的小巴站下車，咁你前面會有條過路線啦．．．過對面，沿喇沙利道行呀！！去到界限界轉左沿過路線到對面就到！！
車費：港鐵　(將軍澳站 / 坑口站 / 寶琳站 / 康城站出發)　成人八達通$8 / 特惠或學生八達通$3.6 / 成人或學生車票$8.5 / 特惠車票$4
　　　　　　(調景嶺站出發)　成人八達通$6.6 / 特惠或學生八達通$3.3 / 成人或學生車票$7.5 / 特惠車票$4
　　　專線小巴 25M　$4.7
提提你～如果驚唔知係邊到下車，上車時同司機講定，叫佢提你下車 ^^
2. 有冇一take過既交通工具由tko去個度？
有就有，不過要行
坑口 / 寶林 / 翠林 / 康盛花園去，坐九巴 98C，將軍澳可以行去尚德坐九巴 296C 或坐新巴 796C ，調景嶺 / 彩明 / 健明可以坐新巴 796C
康城去要一take過既交通工具就無，一係坐港鐵去九龍塘站，轉專線小巴 25M～～ 一係出環保大道坐九巴 298E 轉九巴 98C 或者新巴 797M 轉新巴 796C ^^!
以上巴士在九龍城警署巴士站下車，報站器會顯示為「九龍城警署」，下車後，車尾呀，有條過路線架，使用佢過對面，前面有條路 ^^，行前去，到太子道西，轉左一路行到喇沙利道，咁你前面會有條過路線啦．．．過對面，沿喇沙利道行呀！！去到界限界轉左沿過路線到對面就到！！
車費：98C　$9.2
　　　296C　$7.2
　　　796C　$7.9
　　　298E　$4.4
　　　797M　$4.6
　　　298E 轉 98C　(轉乘地點：坑口站)　$13.6 (不用八達通轉乘優惠) / $9.9 (不用八達通轉乘優惠)
　　　797M 轉 796C　(轉乘地點：調景嶺站)　$12.5 (不用八達通轉乘優惠) / $11.5 (不用八達通轉乘優惠)
3. 最短路程既去法係點？（唔要的士）
最短即是最快? ^^ 睇你從咩方向睇 ^^
如果計行車里數，其實坐巴士去係最短
至於最快，都係巴士，即是方法二的路線 ^^ 因為夠直接～～
4. 最平既路線係搭咩車？
如果你坐港鐵無得比半價.. 要比全價的話，最平既路線是坐巴士去 ^^
如果你坐港鐵可以比半價，而在坑口 / 寶林去，坐港鐵去九龍塘站，轉專線小巴 25M 最平～～
如果你坐港鐵可以比半價，而在尚德去，坐 296C 去最平～～
如果你坐港鐵可以比半價，而在調景嶺去，坐 796C 去最平～～
如果你坐港鐵可以比半價，而在將軍澳去，行去尚德坐 296C 去最平～～ 唔想行就坐 796C 去最平～～
如果你坐港鐵可以比半價，而在康城去，坐港鐵去九龍塘站，轉專線小巴 25M 最平～～

在將軍澳中心有綠色專線小巴 110 號 (車費八個幾)，經唐明苑、彩明苑、將軍澳隧道出九龍，在太子道與喇沙利道交界下車，向界限街方向行入。當代書院就在喇沙利道與界限街交界，即喇沙小學對面。不知閣下所指的學校是否那一間。
110 專線小巴參考網址：http://www.adple.com.hk/minibus/#