埃及有什麼東西不可以買?

我都準備去埃及自遊行，下面個網有建議購買嘅物品：
明信片
紙莎草
古埃及裝飾品
耳環紙鎮雕塑等
水煙
香料
銀製品
同到埃及必買的戰利品和價格：
http://www.backpackers.com.tw/forum/showthread.php?t=15981
非常實用

都唔知點解到21世紀既今日仲有人咁迷信同埋對埃及咁缺乏認識。想矯正樓主及樓上仁兄既觀念，現代埃及雖然唔係世界最先進既國家，但仍然係現代化既國家，係阿拉伯世界中最先進、最有文化既國家，所以根本就唔會有樓主所講既妖魔鬼怪問題。怪唔得成日出鏡嗰位埃及博士咁痛恨嗰啲胡亂吹水既所謂神秘學專家，因為就係呢啲不負責任既言論令大家對埃及既認識仲停留係中世紀。
埃及無野唔可以買，只係有啲野真係唔應該買，因為太搵笨。首先唔應該買嗰啲木雕像。因為佢地一般手工麻麻，而且太阻掟，好難帶番黎香港之餘亦唔係家居好擺設。我去埃及旅行時無遇過，但我唸當地會有啲人賣所謂既古董。同任何旅遊勝地一樣，呢啲所謂既“古董”當然唔會係真貨，因為埃及既文物係呢幾千年來真正既好野已經比有錢人及博物館收藏晒，或已經被破壞殆盡，當然，如果你唔理真假，純粹當見到既只係一般工藝品，咁買一、兩件就無咩問題。另外，埃及水煙都幾出名，我睇書話有人可能買水煙及煙壺做手信。當然千祈唔好，個煙壺有成兩呎高，條吸管都有幾尺長，根本攞唔到番香港，而你亦肯定唔會攞出黎睇。既然你唔會買煙壺，當然買左水煙番黎都無用。
去到埃及，好多人會買沙樽。沙樽如果入既沙顏色鮮艷，圖案靚既自然值得買，而且都唔貴，只係15埃鎊，大概係20蚊港紙。但當地導遊可能會係無貨辦睇既情況下介紹你買一啲圖案唔靚既沙樽，咁就千祈唔上當，要買就自己去市集行，見到靚既就即刻買。另外，去埃及唔少得到開羅既卡lili大市集行下，嗰度雖然好大，但其實都幾污糟，賣既野亦無咩咁特別，最令人費解既係嗰度一個沙樽都無得賣，所以唔好係嗰度嘥太多時間。
仲有，當你搭既遊輪停係景點附近時，會有好多小販係船既週圍拋啲廉價紀念品上船叫你買，我地班團友戲稱佢地係度“拋繡球”。班小販未拋之前永遠都會重覆“1 dollar”呢句說話，表示賣既野只要一美元，但若果你真係接左就會坐地起價，佢地想你覺得唔好意思唔買。但其實嗰啲貨品都係無特別既紀念品，根本唔值呢個價，如果你唔鐘意，擲番比佢地就得。
咁埃及有咩好買﹖我好推介大家買蘆葦書簽，只係幾埃鎊，而且輕身又有埃及特色。香水同蘆葦畫真係好貴，普通一幅蘆葦畫都要幾百成千蚊港紙，不過由於好精緻，手工好好，又唔阻掟，買一幅留念都唔錯。香水又係要幾百蚊，買多幾支包裝靚啲，又送香精爐，香水樽又靚，有閒錢既可以買。通常導遊都會叫你買印有用埃及文書寫你個名既T-shirt，今次就因為有辦睇，所以信得過。
仲有兩樣野值得講下。開羅既小販會賣一個賣15埃鎊既金字塔小擺設，係入面裝滿液體及金粉，你搖下佢啲金粉會週圍飄嗰種裝飾品。呢件野雖然都係大規模生產既產品，但佢唔貴又唔大件，而且幾靚，可以買黎玩下。埃及既紀念品檔通常都會賣一套介紹埃及既書，有中文版。我有個團友買左，入面既內容其實好行貨，不過勝左圖文並茂，內容通俗，如果樓主想了解埃及多啲，值得買黎留念。

2009-08-16 14:32:49 補充：
補充少少樓下Peony兄既提議。佢提到既“紙莎草”其實即係上面提到既書籤及蘆葦畫，而“香料”即係香水，唔係用黎為餸菜調味既調味料。而銀製品則出現係kalili大市集，不過嗰度有好多唔同種類既銀器賣，但質素如何就真係不得而知。

Mummy , it is only joking ! Donot buy any old stuffs which look funny & evil. They might have been put the curse on them by their masters. If you donot believe just buy whatever you like .