老細好賤..唔肯賠工傷, 點算?

事情係咁既---
上星期六我公司搬, 成間公司得三個女仔, 老細係咁叫我地pack箱, 搬嘢, 我都有一路幫手, 但做到兩三點, 真係唔覺得唔惦, 就走去同老細講: 老細呀, 我走先啦, 我條腰好痛呀,搬唔郁啦....佢仲黑口黑面同我講: 你走, 你唔好講笑啦, 你pack埋呢堆先呀....我無理佢, 好嬲咁走左..

到第二朝星期日起身, 條腰好似唔受控咁, 好痛..好似..唔知點形容, 總之郁唔到咁啦.

咁就去左睇急症, 醫生話可以拉傷左, 俾左五日我.....咁我當晚就send個email,(心諗最好有black and white), 話請假五日, 有醫生紙, 係因為係公司搬嘢整到既, 仲講我會申請工傷賠償....叫老細幫我跟一跟....

但我今日返到去...諗住交返d文件俾老細, 老細就話, 我點證明, 點腰係係佢度整到, 佢點都唔會賠俾我, 我同佢講話, 如果你覺得我欺詐可以報警拉我, 但唔好屈我......(又忍唔住流馬尿)

其實我係拉傷既, 無話邊一刻整到架喎, 但我既同事都睇到我成日係度搬搬抬抬咁囉...

我應該點? 我有齊醫生證明架啦....