✔ 最佳答案
「我啲朋友約我都係咁架, 我都唔可以覆實佢地, 所以佢地會不停咁約我的」呢句野其實已經答左你啦, 前面果d係有心玩野啫佢, 你唔洗理嫁, 其實關鍵在於最後果句, 你試下細心咁分析下呢句野:
1. 「我啲朋友約我都係咁架, 我都唔可以覆實佢地」= 想約我冇禁易, 排隊啦, 我有大把人約嫁, 你估得你一個想約我牙, 嫌煩咪唔好約我囉!
- 佢講呢句野係香港女仔都係咁講嫁啦, 經典港女式吊高黎賣/測試誠意/耐性既手法, 不過呢個其實hints算比足你嫁啦, 唔信你再留心d睇下後面...
2. 「所以佢地會不停咁約我的」好大個hints比左你嫁啦, 想婉拒你會唔會講呢句野先, 大家唔覺得响「婉拒學」上黎講呢句野係多餘嫁咩!
要 知道其實香港女仔/人其中一個最可愛既地方就係: 佢其實知道你對佢有好感/愛意係好竊喜架, 但係佢又唔想比你覺得佢好似好容易就接受左你咁, 因為咁樣佢咪唔馨香囉, 佢會覺得如果佢咁容易就比你溝到, 無論係做朋友定情人, 對佢日後個勢都唔著數(呢d其實係同香港人自我保護意識強有關既) , 佢唔會/唔想直接講你知佢心裹面既諗法其實係想你自已比d耐性, 由你自己去發掘佢既想法, 亦都係想試吓你對佢係咪真既/你係咪一個細心, 體貼, 善解人意既人(佢既擇偶基本條件), 因為如果你對佢係真既, 你自然唔會意花時間响佢身上, 依家d女仔十個有十個都想個男朋友重視佢多d嫁啦
總括而言, 佢句野真正既意思就係「你(我啲朋友)要約我(都)係咁架啦, 我唔會(可以)覆實你(佢地), 不過(所以)你(佢地)要(會)不停咁約我
Just go ahead! You have a chance. =]
P.S. 唔好以為係我諗得複雜, 而係宜家d女仔諗野就係咁複雜(妄想症?!- 0-), 不過只要你夠風度, 夠細心, 一定可以打動到佢地 其實講真一個女仔點解要試你誠意啫? 咪因為佢都對你存在至少1個%既興趣/好奇囉!
2009-08-15 01:21:41 補充：
女仔最想人關心, 你試吓久唔久同佢傾吓, 問吓佢有咩野興趣或者嗜好, 等佢覺得你好想了解佢, 你好想知道佢既想法, 唔好唔記得自己都要爆d自己d野比佢知, 伺機sell吓自己
2009-08-15 01:27:09 補充：
如果你唔係想同個女仔發展 long-term 既relationship, 又或者你個對象根本唔係relationship果種人, 你就當以上資訊, 純粹廢up
2009-08-15 02:15:08 補充：
其實女仔想男仔有既優點, 原則上係唔會存在, 因為如果 not gay, 男人之家, 有幾何會細心, 體貼啫, 根本唔符合正常男性既基本思想構造既! 所以, charm 既野, 後天努力出來既啫! 女仔之所以咁樣要求男仔有一 d本來應該系無既優點, 其實在某程度上黎睇就即系想個男仔為左自己而改變, 以自己為中心, 將自己放在第一位。因此, 我認為你如果仲可以周不時做出一d「擺明刻意既不經意」既話, 相信得米/令到佢心甜感動既機會會更大。
2009-08-15 02:15:16 補充：
何謂「擺明刻意既不經意」?
即係叫你一開始只做一d好細微既野, 唔好做哂出面咁, 對佢做既野/講既野最好比人覺得你扮到好隨性, 實質上擺明有process先既, 讓佢覺得你為左佢, 有準備過, 有重視佢, 有時被睇穿你善意地扮哂野反而會加分, 因為咁樣係可以睇成另一種吸引人既地方─ 少少的傻氣是可愛的
