學車新手大約學幾多堂呢?

按運輸處既指引，新手應該接受 30 小時的駕駛訓練。所以很多駕駛學校既課程都會唔足鐘。 But 無幾多個人會 1 take pass(約 50% 以下)，所以加上來也是 30 小時。
於駕駛學校就會叫你每星期二次，不過我認為很在乎你的學習方式。有人每星期一次便夠，有人就每星期三次，很視乎你駕車時既路面感覺(例如部車連直線都行唔到，次次轉彎都轉向過多 / 不足，就每星期三次都唔算多！)。我分別學過李X駕駛學院及出面既師父：學車時間方面，師父是比較方便及有更多時間去擇；而教車果時，如果個師父唔好的話，佢會幫你吊極力止，你學果時就好似好易，但一考牌無人幫手你便會死火。
出面師父，你就要同佢傾好個付款方式。通常我都會每次比五百或一千佢，用完唔夠就再比，直到去考牌果時就會計清條數。有剩佢會退回比我，唔夠就要比返佢。一般考牌果日都要租佢部車。
對。每課公價是 45 分鐘，但個別師父是 1 小時，唔講明的話便是 45 分鐘。我半年前考到牌，果時個師父收我 $80 / 課。佢仲免費送左考牌之前果兩堂補鐘(我把口好乖，先有得送)
考 van 分兩步。第一部是窄位掉頭；第二部是出街。
第一部掉頭，你練多 D，個師父會就你既問題出聲，只要唔好太近壆，扭軚夠快極力止吊得好，無溜前溜後就得。當然睇鏡就必定要做。
出街行就講運氣！我上次考牌，忽然有個 c 9 衝去我部車自殺，結果就被剔太接近物體！唔計這些，記著轉線前望鏡打燈，唔好超車，無溜前溜後，停車拉手掣開車放手掣，睇著交通燈(見到黃燈就停車啦)，唔好超速又唔好太慢，停車前睇後鏡......有唔明可以電郵再問。

回002
考 van 分兩步。第一部是窄位掉頭；第二部是出街。

一般考車應該係分3部 唔係2部 而且你仲講漏野
3部分別係
甲．筆試
乙．泊位調頭 斜路開車
丙．路試
應該係分3部曲
乙部應該係斜路開車+泊位+3或5手軚調頭 而唔係窄位調頭
你講錯漏左 一陣人地以為呢部份唔考 疏於練習

新手一般都要30-40堂好睇妳的進度
每次2堂,1星期學1-2次比較容易學又唔怕唔記得
一般街師父係比1000先,用完1000在比1000
注意最用穿布鞋,因為鞋底夠簿會易D感到架車的反應,另外每次學車都要穿同一對鞋考車當日也事

如果你想考貨VAN既棍波牌,,其實大概26-28堂度都OK,,
冇錯,,係45分鐘為一堂,,而全行都係要每次上2堂架喇,,
即係你學13次既個半鐘lo,,
通常d人都一星期學1-2次~
因為筆試離路試有2個半月~~你平均都係咁上下~~

如果你係想o係出面搵c fu而唔跟駕駛學校,,
你就唔使咁快決定你要學幾多堂,,
你到時覺得唔夠~~咪再加lo,,都係2堂2堂咁加~~
但私人c fu俾錢既方式我就唔太清楚,,

如果你報學校既~~佢地會sale plan俾你~
你都可以揀d少堂數d先,,
到時唔夠再加仲得架ma~~

置於你話有咩要注意,,就係對鞋啦~~
唔好著得太厚~~cons或者婆仔鞋都ok~
就梗係唔好著高爭啦~~同埋~~著開邊對鞋學車,,
就一路到考試都著番o個對啦~^^
其他都冇乜特別啦~~唔使咁擔心~~
上到車學,,就知係咩一會事架喇~^^

希望幫到你~