✔ 最佳答案
1. 50mm f1.8 II最主要特點係大光圈,可以容易做出淺景及加大入光量增加快門速度.但佢係定焦鏡,裝在500D機身上等效焦距是80mm(同你支kit lens zoom盡差不多),影風景好多時唔夠廣角,適合用來影人或者有時唔夠光用,用在生活旅行都可以,但唔可以淨係得佢,要保留支kit lens.
2. 要做淺景深(前清後矇),呢支鏡係一個最經濟選擇.會比Kit lens效果明顯好多.
3. Canon shop梗係貴啦,如果平的話個個都去Canon shop買喇,肯定信心保證嘛.差不多其他所有地方都係六百幾就買到,你可以去永成,萬成,DC fever等較有信譽的店舖.
4. 偏光鏡主要作用係瀘走反光同埋整藍啲個天,買的話只要啱鏡頭瀘鏡呎吋就得.50mm f1.8係52mm, Kit lens就係58mm,建議你買俾kit lens用,因為影風景較用得多,唔駛買好貴,Hoya出既已經可以.可惜kit lens對焦時前組鏡片係會轉的,用偏光鏡會有需要對完焦後再調較偏光鏡位置,同埋要買CPL,唔好買PL,否則對焦會有問題的.
仲有要留意偏光鏡會減光兩級,唔應該長時間扭在鏡頭上,更加不可以又裝UV filter又裝偏光鏡,係會幾麻煩,自問懶既就唔好買.
5. 遮光罩最好有,否則有側光時會令相片霧化.
2009-08-14 23:23:52 補充:
光圈是可以調較的,最大可用光圈是f1.8.
做淺景深不外乎大光圈,長焦距,近對焦距離同遠背景.你可以用光圈先決將光圈開到最大,zoom盡去到55mm,有咁近影咁近,背景遠啲景深自然淺.
相唔靚通常最大原因係對焦唔準,手震,注意對焦後構圖幅度不要太大,注意快門速度唔好太慢引起手震.
另外大光圈雖然可以做淺景,但一支鏡頭的大光圈部份畫質通常會較差,最好縮小小.