✔ 最佳答案
談話編
首先你要睇多D書 or 報紙 or 上網, 上網係叫你睇多D資訊性的野, 唔係打機, 知識廣的話你會多好多話題同人傾! 而且睇落每樣野都識但唔需要太深入, 因為你唔係去做論文! 識得太多下下都ban人反而有反效果!比人感覺太自以為事! 點到即止已經夠! 你的出現係要令大家曾加話提，所以比D空間人發揮下, 否則全場都係你講, 你估你參加演講比賽 / 定辨論比賽? 所以唔好去得太盡! 去到一D位係需要扮下無知, 等人講下!
食飯編
男人好多時出到去唔好每樣野都話無所謂! 例如大家講緊話去邊度食飯, 問你意見的時候, 你最好有返D主見, 你可以問返在場各位有D咩係唔食, 再將所有資料總結! 至考慮地點有D咩地方可以need到各人的要求! 因為好多時D女仔好煩架! 你唔問清楚的話就提議, 提左出黎至話比你知佢唔食咩! 所以得個搞字! 跟我的講法你會比人感覺你細心, 識得照顧其他人, 而唔係只照顧你女朋友! 可以的話早一日睇下食版(網上有架)留意下果區有咩好介紹, 有時資料收集係需要, 拍拖係需要比時間, 到你出到去對住其他人, 你的得分會好好, 用時間打機係小朋友的玩意黎架! 浪費時間而且係無收獲! 如果有時有朋友係帶住小朋友出黎, 你都需要照顧佢地, 不論大細一視同仁, 我試過同朋友去唱K，佢屋企人叫左雜果賓治比佢地，飲完第一杯之後，佢地想再叫，但我話不如改飲朱古力，因為小朋友飲咁多酸野未必係咁好，當然你只可以係建議型式，但已經有分加!
帶多幾個笑話係帶身，有時可以用黎曾加氣氛，有時唔太醜的事，可以攞自己當主角出黎比人笑下! 風趣Ｘ默都係重要的一環，至少餐飯唔會太悶，高品味的笑話係可以顯示一個男人的氣質！三級的笑話就留返同自己的豬朋狗友講好啦!
浪漫編
睇多少少愛情小說, 你可能覺係女仔睇的書, 堂堂男人點會去睇呢D書! 但記住知己知被, 百戰百勝, 寫果個係女仔黎架! 女仔會比較了解女仔的心態, 佢地想要一個點的男朋友, 一定係文筆度寫得好仔細, 否則愛情小說點會咁得女仔歡迎! 個個女仔都希望自己成為女主角, 你咪盡你能力去做! 呢樣野我比較最知, 所以我係十四歲開始已經睇左好多愛情小說, 所以我以前的女朋友都話同我拍拖係浪漫!
風度編
同成班人出去, 你除左照顧你女朋友外, 都需要照顧下其如女性, 但唔好過份照顧喎! 否則你女友可能會誤會! 你只需要照顧到其他女性都係你女朋友面前話你好有風度已經足夠! 有時有其他男性係度的話就仲好, 一比之下已經分出高低! 由其開門, 我發覺好多男仔都唔識得幫女仕開門, 上落樓梯可以讓女仕行先! 食飯的時候可以照顧下身旁的女仕, 唔好只照顧自己女朋友! 一眼關七, 照顧好每一個人!當然係指包括男性，試諗下一個男性識照顧人，而一個男性只識被照顧! 一下已經睇晒啦!
洗錢編
人少出街的話, 而你自己經濟又許可, 而且果個係你女朋友既好好好好的朋友的話! 咁食完飯就你結脹, 如果佢比返錢你, 你就唔好同對方收返錢, 你應該同佢講 (如果係第一次見面) 第一次見面就當見面禮! 如果已經見過的, 你成日代我陪佢, 就當補償! 當然呢個人係唔可以係男人! 資源係需要投放係有價值的人身上! 其如女朋友的普通朋友, 係唔需要投放呢D資源! 其餘的人只需要令佢地覺得你成熟有風度同識照顧人就夠!
細心編
出街的時候帶多件風褸，有時未必係自己要，可能係你女朋友， 又或者係小朋友，但如果係其他女仕話凍，你就細細聲問你女朋友借唔借比佢，當然你出街係需要帶背包，風褸係放係裏面，如果件風褸攞住係手，而女仕話凍你都唔借，咁已經好無風度! 所以背包係必備品！當其他人話咁熱天時你仲帶風褸係身？你就要答你驚你女朋友出入冷氣地方時覺得凍，所以你帶定係身! 預備必時之需!
希望幫到你，你有需要再問!
2009-08-19 10:46:07 補充：
咁首先你唔需要一開始就立即同成班人熟! 你可以只同身邊的人傾計先, 一班人你未必識得立即照顧到! 咁首先從一個開始, 至一路擴展, 你唔出聲比人感覺仲唔好, 唔識大體! 一般的社交禮儀都做得唔好, 你叫你女朋點帶你見人! 點可以同一個唔識的人溝通, 談話篇已經交代過! 再唔係open question, 咁就可以有無盡的話題!
