✔ 最佳答案
打snooker要落西可大分九點, 白波中間點唔計, 因直打唔cut波會變stop shot, 打白波左上點系左邊running西, 撞咕後向左走, 右上就系右邊running西, 打左下點系左邊退後西, 右下點反之亦然, 落西唔好打咁邊, 好易撻Q, 出Q枕手與白波之間一般距離為6-8吋較適中, 當然有D球手距離一尺都冇問題,因人而已, 您話打波發唔到力, 取決於您出Q手法是否適當, 出Q時後臂要固定, 用前臂發力張枝Q推哂出去, 您練到出Q時可張成枝Q順勢推出去嘅時候, 您唔使好大力都可以打到個白波好猛力, 切忌用死力打, 會打到歪哂, 其實您打波唔使成日落西, 因為落西時會令白波行走路線有偏差, 因您落右邊西時會偏向白波右邊打, 白波行走路線自然會偏向左邊走, 令到您cut波唔準, 大力打仲歪得勁, 除非您掌握得好熟, 否則您球球都唔中, 就算職業球手都唔會成日落西打, 佢地都知失波機會好大, 所以會多加利用白波中心上下幾點, 因cut波時打上d同打落d會令白波走的路線斜度有所不同, 一般都夠用, 除非佢地校波校錯side或佔左上風要玩吓野取悅觀眾先落西打, 就算落都落好少, 因佢地出Q個form好好唔使打得好歪, d西已經夠用, 您先練準d波同運用多d上下中心果幾點先, 出Q力水度留意多d, 一Q打一個廿三十度嘅break絕對唔難!