兔仔心得,,,急急急!!!!!!15分

1) 我唔係好明你既意思，可否解釋吓？你係咪用開狗狗果種尿墊舖籠底？所以無用廁所？定係你舖左木糠？佢呵落去既紙係咩黎？普通紙巾？你話唔想佢周圍痾咁污糟，但又唔想比佢學識用廁所，咁即係想點？教識佢去廁所講真唔係好難，只要你有耐性同恆心。例如：每次見佢痾尿，就輕輕推佢或抱佢上廁所，每當佢乖乖痾左入去，你就要摸頭仔讚佢或獎勵少量零食、或將沾有尿尿既紙巾放入廁所裡面，等佢認住氣味位置。另外，我想問吓兔兔幾大？你係咪佢第一個主人？


2) 兔兔要定期修甲！一般清潔護理其實主人可以自己做番，不過當中需要技巧，如果你真係唔熟悉，可考慮參加香港兔友協會定期舉辦既"兔子護理工作坊"學習一下，網址：http://www.hkrabbit.org/contactus.html


3) 其實有好多兔兔都唔鍾意比人抱，除左因為佢地有自己個性，亦因為佢地都係腳踏實地既動物，唔習慣咁無安全感！除非佢係非常信賴你、或果刻佢好放鬆！所以，如果你見佢十分抗拒，無必要都唔好勉強抱起佢，唔係佢一個掙扎where到你而你又抱唔實時，佢跌落地好可能會受傷，或跌得多有陰影，就更加唔願抱！


4) 盡量講簡單既單字，或用食物訓練，要令到佢每次聽到自己個名，都聯想到好既事，佢自然會識得走埋黎！而鬧佢時絕對唔可以叫名，記得行動要一致！
不過兔兔係好有個性既小動物，你唔好諗住佢會好似狗咁聽教聽話，佢地都有自己習性，你好難勉強佢照你意思做足每件事，建議你先了解一下佢既背景，再調整番適合佢既生活！


5) 一般半歲以上可做絕育，你只要搵對兔兔有經驗既獸醫做，都唔需要太擔心！男仔手術會比女仔簡單，手術時會進行麻醉，手術後亦必須要服食止痛藥！頭一日兔兔會比較攰或無咩食慾，你要keep住觀察情況！絕育除左唔想佢生bb，仲有好多原因，主要視乎你點睇或有無需要，你可參考番相關文章先做決定。


6) 兔兔係怕熱耐耐既動物！夏天有冷氣嘆最爽，個籠放通風位置就得。反而冬天先要注意保暖！

2009-08-13 20:33:09 補充：
7) 如果你真係想訓練佢學識用廁所，依家開始要買個廁所放落角落位置。廁所入面可以放沾有尿尿既木糠或你所講既紙粒，盡量保持個籠環境清爽，通常好快會見到成果。

8) 你連廁所都無比佢佢緊係只識周圍痾...你買左廁所放入籠睇左反應先，唔得再話我知！廁所放其中一隻角就得！

9) 隻隻都有唔同喜好，不過一般兔兔都好鍾意比人摸頭仔、面珠、後頸、身體，你可慢慢試，最緊要唔好過份用力。你留意吓佢有無掙扎，或舒服到趴低任摸就知！

2009-08-18 10:44:01 補充：
10) 有無將沾有尿尿既紙巾放入廁所度先？如果只係少量便便痾左出黎已經可以接受架啦！最緊要尿尿識痾番入去！仲有唔好再放紙粒落盤底&草草散滿地，要比佢習慣乾爽環境。另外，有無試過抱佢上廁所？或見佢當廁所係床咁用？


11) 你可以兩個位都試吓架！同留意吓尿尿個位，多數d尿尿都有顏色，唔會好似水咁清徹。

2009-08-18 10:44:08 補充：
12) 好多兔兔都係咁架！佢地玩緊或發洩緊啫，無野架由得佢玩囉！


13) 係咩零食黎架？兔兔好鬼為食一般咩都會食，但其實佢地唔識分咩野食得咩野唔食得，所以做主人既你一定要留意番。一般對兔兔比較健康既零食，有新鮮菜菜(要洗乾淨抺乾水先餵得！)、小麥餅、草餅咁，其他太甜既野(如：水果乾、紅蘿蔔)真係唔好比得多！你買果隻小食可能唔啱佢胃口，所以唔食。如果你想tum吓佢開心，可以同佢按摩多d、放佢出黎跑吓(但要留意唔好比佢亂咬野！)、同佢玩搶食物遊戲(用草草引佢)。