我地重應唔應該一齊啊?

我同我男朋友一齊時間唔長.只有3年! 但系我地經歷咗好多野!
其實佢以前響學校係一D壞學生,日日上課都訓覺,一唔係就打交!做咗佢咁耐朋友,佢每一次拍拖都唔會超過半年.佢終於肯真心去中意一個女仔,點知一個月之後個女仔就話要分手.
但係佢都有好感性嘅一面,佢唔開心就會同我講!
我初初係同佢朋友一齊噶,佢朋友追咗半年啦! 我唔知係感動抑或係真心,我就接受左佢朋友!
跟住佢就sd sms黎講"我地唔好玩太密啦,我唔想我朋友唔開心",可能慢慢中意咗佢.我收到條sms之後我成日都冇聽過書,就系扒係臺度喊.上課喊到落課,佢肯能發覺有D唔妥,就過黎問我有冇事! 佢見到我喊,就即刻叫人買個甜筒比我,重話唔開心食D甜野會開心D噶!
無可否認佢真係好識氹女仔. 之後我地兩個決定咗同佢朋友講清楚,我地兩個要響埋一齊!
點知呢件事累到佢同個朋友翻左面,成個班分咗兩批人!
當初我真系好內疚,我重問佢有冇後悔.佢話值得.
我知道佢初初同我一齊唔係真系中意我,而係想逃避佢失戀嘅問題
但係就算只可以係埋一個月,我已經覺得好滿足.! 因為我真係好中意佢
我之前同佢講過我唔中意佢唔讀書,我想佢可能做個有前途嘅人
雖然佢唔係好努力讀書,但係起碼唔會再堂堂訓覺
我真係覺得佢係中意我噶
每晚訓覺前我地都會傾電話,就算係暑假佢翻左大陸,佢都會晚晚打過黎
點知我地係埋5個月之後,即系8月中.佢係大陸同咗個比佢大4歲嘅女仔一齊.
之後就一直冇打過電話比我.直到佢翻番香港,我都覺得有D唔妥!
佢開始唔比我摸佢手機,我唔搵佢佢就絕對唔會搵我,重經常翻大陸.
我問佢D朋友,佢地全部都話我多心
知道我地半年果日,食lunch果時,我叫佢留底
我就面對面同佢講清楚,講到我地兩個都係度喊
佢話佢會同果個女仔講清楚,唔會再同佢一齊.
我信佢,我比機會佢!因為我中意佢,我信佢會為我改變
之後佢對我好好,佢話佢會將最好嘅野都比我!
佢嘅好一直維持到我轉學嘅前兩個星期

------

今年3月,我屋企搬屋.我轉咗去個離佢比較遠嘅學校
我記得我星期日翻去執書嘅時候,佢當住全班面喊
呢個係我識佢甘多年,第一次見佢喊
我以為佢真系為我變左
點知到左4月,我好朋友話我知.佢中意左第個女仔
果個女仔係一個好女仔,佢好幫人,以前都成日幫我!
我好矛盾,我覺得一切都唔係真嘅咁
但係,事實係如此
我亦都冇得爭,我爭唔過!佢地日對夜對
我地就幾個星期先一次.
之後我講左分手,我真係希望我可以走出佢嘅陰霾
我學識咗化妝,我學識咗打扮,點樣去變靚自己!
6月果時,佢搵翻我.話同果個女仔一齊之後,發現唔夾!
話想同翻我一齊.我明明走出左圈,但係比佢氹多兩氹就又入翻去
但係我知道我地得習慣.冇感情
習慣咗星期6,日會兩個出離行街
習慣咗一上msn就會add對方
習慣咗翻學會sd sms
如果宜家問我係米中意佢,我可以答應經可以放低
唔似以前咁執著啦,
其實我好明白我地宜家係埋一齊,係騎牛搵馬!
但係點解我唔可以干趣D宜家就同佢搞清楚D關係呢?
我試過同佢講過我感受,佢一句"你意思係分手"
我就唔敢講落去啦!
係米因為我都比習慣改變咗我自己
令到我唔中意佢但係又唔可以放低佢呢?