好大個難題個~工傷問題~~

呢個唔係好個大難題嗟，祇要唔好將個問題複雜化，基本上就係非常簡單！
祇要你持有由註冊醫生發出的工傷病假紙，唔理你係唔係仍然在職，僱主都要支付收入4/5的工傷病假錢，況且你晌新公司已經冇做，咁就唔存在任何問題啦！
雖然你中間斷咗半年冇休假，都唔會有任何影響；其實年中都唔知幾多案例係晌好返之後，隔咗幾個月又惡化再次放工傷假，咪一樣可以照攞工傷病假錢！而你斷假呢段時間，就算你轉咗公司或者失業，甚至乎坐監都好，勞工處係唔會理你架！
至於你舊公司講保險公司話唔使出比你，原因可能好多，尤其保險公司最鍾意郁啲就唔想比錢，佢地最叻就係話『對工傷個案存有懷疑，而拒絕支付補償』；不過你又唔使擔心，你舊公司既然向得勞工處報工傷，就唔係由得佢話唔認咁易，況且你係睇政府醫生，政府醫院會保留哂所有醫事紀錄，可以證明到你08年12月尾已經去睇醫生，跟住由普通科轉介到骨科，然後09年6月尾由骨科決定你需要休假，你舊公司就算想抵賴都幾難！就算保險公司唔肯負責，你舊公司都走唔甩！
而家你應該盡快搵勞工處申訴，話舊公司過期唔比工傷病假錢，等勞工處出信去舊公司比壓力，睇吓佢地點反應先啦！
如有任何相關疑難，可瀏覽本人對其他工傷個案的解答：
http://hk.knowledge.yahoo.com/my/my_answer?show=HA00528400
或直接網上來信查詢，能力範圍定必盡力解答！

我想你應該去勞工處問清楚, 因太過復集.

有很多灰色地帶

報工傷在你離職前或後.

離職前應有保障 , 舊公司在你離職後仍然付5分4糧 ?直至８月但你４月離職, 5分4糧 公司付還是保險公司 ?

因你巳有新工作, 舊公司有可能不知你有
新雇主故付5分4糧, 故4 月你同時收到兩份糧

一般情況下舊公司可以停止支付5分4糧, 因工傷未能引致不同
工作

問題(1): 5分4工傷錢: 係要你有醫生所發出的病假證明而放假;因放病假而沒有收入的情況下方能取得.

2. 有得追. 但受傷時你有否通知舊僱主. 因他要於14天內呈報勞工署.

你問題涉及前僱主，較為覆集！講述受傷的前因後果email: [email protected]定盡力協助