去外國讀書問題~

本人而家係英國讀書

如果已經交左學費既話,就最好去啦,因為學貴好貴,俾左就唔好晒啦

你今年升中四,係334學制既第一年,其實好唔著數,因為要同會考最尾一年既人爭入大學,入大學既機會會好微d

朋友方面,你一年會返香港2-3次,所以唔駛怕唔捨得,又唔係分離死別,唔駛擔心啦

你應該享受下英國既生活,d書好易讀架咋!!!
易過香港好多倍,冇咁大壓力架,入大學又易
去個邊睇下當地既風土人情都唔錯架

如果真係唔想去英國,咁就要同你阿爸阿媽傾啦
你父母要你去英國一定要原因既
你可以同佢地傾下點解你唔想去英國
又聽下點解佢地想你去英國
或者佢地會體諒你呢

PS好多人想去英國都去唔到,要珍惜呢個機會!

能夠去外國讀書, 其實係一個好寶貴嘅經驗同埋機會!
你知否係香港讀書, 除了學位不足的壓力外, 畢業生的升學和就業情況競爭非常大, 你父母為了避免你將來遇到這種困境, 不惜用大量金錢和與你天各一方....你應該感激至係...試問有邊個父母捨得d仔女唔係自己身邊?佢地都係為咗你將來打算, 學成歸來, 能夠在社會立足, 同埋搵到一份好工而已 ! 你唔好浪費佢地一番心血呀.....唔駛唔捨得架, 你只要 social 一些, 唔好收埋自己, 好快就可以識到好多朋友仔架嘞....而且學校咁多假期,
half-term 你又可以番黎啦.....俾心機啦!!

相信你應該係家人要求去外國吧!
你可以直接同佢地講呀! 表達番你唔想去英國>
不過其實你可以咁唸:
唔係人人都可以去外國讀書架!
我想去, 都冇得去,
我一直想去歐洲架, 而家你可以去歐洲既英國啵! 唔係好好咩?!
去外國真係可以見識好多野架, 冇理由成世屈係香港架嘛!~

或者因為你唔捨得d朋友?!
其實去到英國都可以同佢地keep in touch.
facebook就是好好的例子.
我有一位好好既朋友,
上個31號飛左去美國讀書. 讀f.5 , 但係佢都有打電話比我,
大家保持聯絡,感情好好.!
唔洗擔心. 同埋外國既人都唔係好難相處姐=]

而家你d野都準備得七七八八, 註定你要離開香港架喇.
放鬆d, 不如唸定點樣係英國生活啦^^