問game名 (ps1)

大約10年前

主角(粉紅色)頭髮既女仔 因為父母因事要外出
所以淨低主角響屋企 得番主角一個人生活

隻game一出黎 就有間屋 入面有隻寵物
咁 主角每日都可以去(打工)搵錢

(打工)即係玩小遊戲
有<渣電單車送pizza>;<去餐廳洗碟>;<去m記做收銀拎包>
<用生果籃接d生果>;<去打ban>;<仲有其他唔記得>

之後放工番到屋企 可以揀兩樣野可以做
有<洗衫>;<餵寵物>:<睇電視>;<彈琴>;<睇書>;<其他>

咁每晚訓教前響床上面有2~3樣野揀
1. 係買傢俬 2.係睇圖書(可以+智力) 3.唔記得

買傢俬 有<琴>;<書枱>;<電視機>;<其他>

每樣傢俬都會有功能 有左書枱之後
放工番屋企睇書(可以+智力)

咁主角智力越高
佢去打工就可以揀高lv既工作 就可以搵得多錢

咁自自然然屋企越黎越多傢俬 佈置得好靚
玩到尾(1~2個月左右) 佢父母就番到屋企
發現主角唔同哂 然後再評分俾玩家
主角能力值越高 傢俬越多 又多貴野 就高評分
A.B.C

我記得當時隻碟上面係寫住"吹波波幻想曲"
隻碟花左就LOAD唔到 e家想懷舊又搵唔番

請問隻game叫咩名