非常傷心 , 很痛苦 , 哭出來打文章 , 各位幫助開解我?

原本比任何人都更親密既人,竟然變得不瞅不睬,的確令人好傷心。

佢有佢講,你有你嬲,唔係辦法,即使雙方幾唔願意都要搵一次,好好地坦誠地咁傾一次,
只係互相怨懟,根本無真正了解過對方係諗緊咩,即使到最終都解決唔到問題,至少都要知道問題係邊度,哩段感情要結束都唔可能就係咁不明不白既。

雖然大家都應該經過深入了解過對方,先至決定結婚,不過人終於係會變,即使結左婚幾耐都係會變,可能係佢變左,又可能係你變左,只不過係變化既過程,大家係咪向住同一個方向去呢??
你有無去了解過佢係咪有咩心事?或者發現到有咩蛛絲馬跡可能有第三者?
因為即使對你有不滿,如果你主動求愛,都唔會唔理你,最多敷衍了事;而家佢完全唔想既話,一係佢真係對你無哂感覺,無哂感情,所以唔想;一係佢有另一d途徑滿足到佢既需要,所以連敷衍你都唔想。

不過,先唔好諗有無第三者先,最緊要係兩個好好咁傾一次先,
至少俾佢知道佢咁對你,你係有幾辛苦傷心,而你根本唔知道原因,點解佢要咁對你。

我係未拍過拖當然又未結婚既人,唔知有無講得唔口岩,希望唔好介意。

我覺得你呢段感情應該完了

男人就連xx就唔想, 極少既情況會係咁

我諗佢變左心, 可能有第二個

所以連xx都唔再同你

冰凍三尺,非一日之寒,這情況由一開始就應註視,請先自問有否港女的性格?拍拖時的温柔和甜蜜去了那裡?男人拍拖時可以底聲下氣,但婚後如下下都像婚前那樣會覺討厭,有機會請看一本叫"男女大不同"的書,了解一下男人的心態,希望能幫到你!

其實兩公婆真係要坦誠相對，大家將個心囉出來講，而唔係大家鬥氣而唔理對方。
其實我之前都遇到同樣的問題，我都好傷心一段時間，大家好似各有各做野，相對無言，就算吵架，老公都唔會主動講對不起，所以呢段時期我都極之痛苦，而且老公又多左出街，我懷疑佢有外遇，電話又多左女仔電話，但老公唔認出去滾。我知道再咁樣落去，我們的婚姻會完了，於是我為了呢段婚姻，主動多的同老公傾解，甚至主動要求做xx，因為我之前成日拒絕同老公做xx，果然有效。老公依家同我好好，而且準時返屋企，對我又好左。因為我知道男人有需要，而我成日拒絕佢，佢咪出去滾囉！
所以我覺得你們真係要知道問題係邊，再對症下藥，先事半功倍。