✔ 最佳答案
唔同意樓上網友safeproducts05既講法,希望網友唔好介意及留意一下:唔可以用人既用品or藥物落鼠鼠身上,咁係十分危險,人同鼠既體型相差好遠,唔好以為外用就冇問題,人都會因搽得太多外用藥而死既,加上鼠鼠仲好易會舔添,最初可能會有功效,但不知不覺地會傷害到鼠鼠身體,甚至因鼠鼠舔完而毒死
3隻鼠係一齊住?1號耳仔傷左,係打交打傷?耳仔既咩位置?濕係指耳既血?
A.出現打交or受傷生病既情況,一定要分籠,唔係到打得更傷甚至打死先唻處理就太遲了
鼠鼠平日都會叫,但因為音頻唔同,所以平日既叫人係唔會聽到.而當鼠鼠叫到人都聽到既時候,多數因為驚同痛苦,即係可能係打交,有病就會叫
唔好再用人既藥物用落鼠鼠度,而家可用布加十分少既微暖水幫鼠鼠抹下,減少中毒既機會
受傷既處理方法如下:
1)有流血既話,用藥用棉花咁住傷口,用鼠專用既外傷藥同佢搽,小心唔好整到眼耳口鼻,如果真係耳既話,則用唔到藥
2)檢查下個籠有冇d咩整親鼠鼠,有問題一定要盡快處理
3)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重.
4)如果同一籠有第隻鼠,冇受傷既鼠,都必須要仔細檢查一下真係有冇受傷
5)鼠鼠受驚啦,受驚好易會有其他毛病,同時要keep住檢查佢地既身體同排泄物有冇其他異常
6)保持個籠乾爽清潔,避免細菌感染
7)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多...盡快帶佢睇醫生啦
B.倉鼠打交係因為佢地本身就係獨居動物,根本唔適合同其他鼠一齊住既,而繁殖鼠鼠有好多問題,就算鼠鼠好返之後,亦好希望你可以考慮唔好繁殖鼠鼠及一籠一鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)就算唔打傷打死,都會感到壓力,壓力會誘發甩毛肚瀉等疾病
6)一籠唔止一鼠,仲會較惡,特別易咬人同比較難同主人熟
7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶
8)生b到戒奶分籠都唔可以掂鼠b,到掂得時,其實已經同鼠店買到既鼠差唔多大,咁又何必自行繁殖?期間仲要唔洗得籠臭一排,又可能會見到食b既情況
2009-08-13 03:51:58 補充：
可以試下解釋清楚俾你媽媽知鼠鼠係唔可以亂食野:
鼠鼠壽命一般只有2-3年,亂食野易令鼠鼠內臟出現問題,令咁短既生命更短
好似人咁,成日亂食野都會唔舒服,內臟慢慢都會負荷唔起,人就會知道唔舒服去睇醫生,但鼠鼠內臟有事,就未必咁易被發現,亦往往好易即時見唔到有事而被忽略問題,到發現時就多數好難醫,而且睇獸醫的確係好貴,分分鍾睇一次都過千,算肯花大量金錢去醫,內臟問題都未必醫得好,又會令鼠鼠辛苦
2009-08-13 03:52:03 補充：
有俾d好食既野俾鼠鼠食,鼠鼠就會揀飲擇食,愈好食既食物,多數都係愈冇益,加上鼠鼠體形比人細咁多,但又去食人既食物,對人冇益既野對鼠冇益就會高好多倍
鼠鼠係咩都食,但唔代表咁就要俾鼠鼠食呢類食物,好似如果你鍾意食朱古力,都唔可以要求餐餐都只食朱古力一樣
另外,真係好希望你及家人可考慮分籠,不斷打交及繁殖既話,實在會有更多既問題
