我與男友同居六年, 大半年前發現佢與女同事有曖昧, 我同佢攤牌, 佢就話與我一齊最開心, 但又話個女同事對佢很好, 唔可以唔理佢, 而且佢地返工日日都見住, 件事一直糾纏。早兩日(星期日)個女同事發短訊約佢揀大床, 我問佢至肯講，佢話係個女同事自己搵地方揀大床, 佢無參與。我要佢做決定, 佢話如果要佢同女同事一刀兩斷, 佢寧願走, 於是我即刻攞返屋企鎖匙兼叫佢走, 但呢兩晚佢都勁求我唔好趕佢走, 我答應俾佢住埋呢個星期。坦白講我唔捨得佢, 但我無法說服自己相信只係個女同事自己搞同居的事, 佢點可能無份參與? 唔趕佢走可以點, 想大家俾意見！
更新1:
佢曾經講過唔係鍾意個第三者(女同事), 街也沒有去過, 只是返工時一齊食lunch, 亦不會和她結婚, 我有將這些說話發sms俾個女同事, 但個女同事只係將sms轉發俾佢, 同佢講很討厭我, 又話我同男友分不分開都唔關她事, 但我知道個女同事亦有要求我男友同我攤牌。各位認為我應唔應該發sms俾個女同事, 問她願唔願意三個人出來講清楚, 這是我一直要求而我男友一直抗拒的？
你男友都好衰呀!個女同事都好乞人憎呀!
不如你飛咗男友啦!
你的男友現在一定不是像以前一樣愛著你。
如果他還是愛你的話,就不會這樣和女同事糾纏不清
如果他真的愛你的話,就會自動找那個女同事出來攤牌說清楚了
以我所見,他有可能當你家只是給他免費住宿的地方
或者他想一腳踏兩船
那個女同事已經說要跟他一起選大床,他又怎可能沒有參與?
既然已經發展到要選床同居的地步,可見你的男友已經和那名女同事曖昧了很久!
在這段時間中你一直質問他與這名女同事的關係,他又說得不清不楚,弄得像自己才是覺得最煩最不知道該怎解決這名女同事
身為一名成年人,難道跟人劃清界線也做不到嗎?
何況他是個男人,不會有事情都不能自己解決吧
很明顯,他一開始就已經想著要跟那名女同事同居
等到他們的新居安置好後,就不要你跟女同事住在一起了
解決方法是,請絕情地趕他走吧!
這種優柔寡斷的男人不要得!
既然你也是決定只給他住一星期,
為什麼不現在就馬上趕他出門?
不要令他覺得他還有挽留你的地步
不要再讓自己的家成為別人的免費酒店
不要心軟啊!
希望幫到你!
您既case跟我男友既舊同學好相似. 果個女仔又係同男友同居,最近又散咗,想個男仔搬離佢屋企,但係個男人又恰佢唔夠胆講又唔肯走.
您要勇敢d同佢講比個寛限期佢,如果您三心兩意就唯有迫佢盡快作決定,如業主是您,您有權換上門鎖. 或選擇講清楚無謂再拖拖拉拉.
你男友咁講, 相信你都幾難留得住佢....
既然留唔住個心, 亦留唔住個人,
又點解要委屈自己?
佢既然同過妳一齊,
即係妳都唔會差得去邊...
再搵過一個專一o既仲好, 係咪?
你男友咁衰,一腳踏兩船,一系叫佢走,一系叫佢同第三者分手兼辭職,以後沒聯系,佢吾走就你走lo,癈鬼事眼怨,d咁花心嘅男友,要來做乜?
我都係一個男人
但我真係好討厭d花心既人
一同意..一係叫佢同果個女仔一刀兩斷
一係叫佢走...
我見到有好多人都比好大反應,..
好激動咁話要你同佢分手..
但我用你角度去諗..
如果你係捨得佢..
你都唔會係度問問題啦..
你都一早fly左佢啦..
其實你係好中意佢..好唔捨得既..
我認為你離開唔到佢住..
走左都會忍唔住搵返佢啦....
唔好話我咁講衰..不過現實d睇..
呢個方法會令你舒服d..
講真佢對你咁..你都唔洗對佢有留情..
你其實要一直記住佢背叛你..
但係要好好裝身..
睇多d雜誌..
護好自己個樣..
又多d出去識男仔..
搵到個幾好既就fly佢..
咁有個新既男仔比力量你..
你就可以輕鬆咁fly左佢..
仲唔洗成日喊苦喊弗..
仲可以有新既愛情..
如果唔份氣..
仲可以用新男友激死佢
男人.......唔信得嫁....算吧啦....
你諗都諗到啦...
有咩可能只係返工時一齊食lunch..個女就叫佢同居先得嫁~
就算今次比你搶得番個男友...迫佢轉工`
去到第2到做野..佢一樣都會有女同事~~
好！既然你都趕過佢走，咁即係表示你就算幾唔願意放佢，你都可以做得到忘記佢啦！？只係時間問題啫！
首先我覺得你唔好再聯絡個女同事啦 !!!!正所謂"牛唔飲水點禁得牛頭低", 錯都是你男朋友的錯, 你們一起六年的感情他都不顧, 有個女仔對佢好, 佢就背住你同人地有曖昧, 現在件事給你發現他還不知錯, 仲話如果要佢同女同事一刀兩斷, 佢寧願走,就算你男朋友真不是想同個女同事住埋, 佢地都係有野 ga 啦 !!如果係普通朋友,人地揀大床點解會叫佢一齊去呢 ???
最後我強烈建意你千萬別三個人出來講, 真沒此必要, 都係咁講, "牛唔飲水點禁得牛頭低", 同埋你會給男朋友以為自己好巴閉, 兩個女仔搶住要佢, 我會建意你先叫男朋友搬出去給時間大家冷靜一下先, 看看佢地係唔係真的一齊左, 如果係,你死心啦 !!! 如果你地係有緣份始終會係埋一齊, 你男朋友一定會回頭, 比佢自己想清楚,千其唔好為談氣, 結左婚好麻煩,現在未結婚,佢要比你睇清楚佢的真面目都好..................
有兩個可能性既;
1. 佢真的愛你,而他對那女同事可能只是好朋友關係,你男友可能只是想幫助她,並沒他意.
2. 佢可能真的是一腳踏兩船吧...本來係中意你,但見到戈戈女人又對佢有feeling,但唔知揀邊個,又唔想放抵任何一個!!
建議你應該三人約出黎傾清楚佢,而且都拍左咁耐拖,都唔相信你男友嗎? 情侶間要互相信任架
找個第二個比較有錢的(越有錢越好)..忘記那個男友是最好
那個男友是很靚仔的嗎..如果是的話...說不定只是想騙錢..騙地方住....他和你住說不定只是想有一個免租金的地方住..你對他有情..不見得他對你也有情..我認為越快分手越好....這些靠女人的男人無什麼好 長痛不如短痛
同居即是試婚，現在男方快遇上七年之癢，極可能和你離異，如果你不忍耐，就給了機會給第三者。
如果你信男女長久關係才是美滿人生，那麼就不要聽人教唆，隨便和老公說分開。只要和他約定：叫他不要讓你知道他與她的親密交往便成了！當然最緊要是要求他和你保持相愛甜蜜，好像甚麼事都沒有發生過，暫時退一步不要和人爭，相信可保長久的關係，到最後，你老公必然仍會揀你而回頭是岸，皆大歡喜！
