其實係我家姐既情況....
有d複雜...
我家姐學歷唔高, 做左幾年野(飲食業), 原本都有d積蓄, 但係呢兩年理財不善俾人呃曬, 之前俾舊同事用層壓式推銷方法呃左兩萬幾, 之後又誤信銀行職員話利息高轉買左迷你債券(將自己幾萬蚊同媽媽外婆既十萬一齊放左入去...@@...), 唔知點同屋企人交待...依家可謂身無分文, 仲問財務公司借左三萬, 另外信用卡每月都要還千幾蚊....而且依家因為有左bb返唔到廚房既工作, 最後遲左份工, 返左大陸鄉下養胎...
家姐成28歲, 成日俾屋企人催婚, 但係佢本身係新移民(黎左九年)係香港識唔到適合既男仔, 結果媽媽介紹左個內地男仔(佢屋企情況都好複雜, 都冇咩錢), 佢地識左半年, 原本因為相隔兩地關係同經濟關係都仲諗緊同呢個男仔既可能性, 但係之後發現有左bb....依家16周...兩個感情又好似幾好, 兩個都唔細, 諗左好耐最終都係決定要個bb, 準備結婚
其實家姐搵到個對佢好既人, 可以組織家庭, 我都dun佢開心
但係我好擔心家姐既經濟情況唔知應唔應付到....
佢係咩都擺係心入面既人, 仲好倔強添...佢既經濟情況冇同屋企人講, 媽媽完全唔知佢負債累累....
佢依家遲左份工,0收入, 又冇積蓄, 仲負債4萬幾.... 就算生完都要下年年頭2,3月先可以出黎搵返野做, 但係佢未婚夫又仲係大陸, 收入又唔多, 根本養唔起我家姐, 更何況加埋個bb....
我都係唔小心睇到佢既sms先知原來佢經濟情況甘差....但係我啱啱畢業都係勉強照顧到自己咋...係經濟上真係愛莫能助....
有咩方法可以幫到佢??
其實有諗過建議佢去申請綜援....佢係香港冇公屋戶籍, 依家又冇收入, 銀行又冇存款甘滯....但係因為佢要返大陸養胎(大陸多親戚照顧, 使費較低,空氣較好, 佢個人都開心d, 而且未婚夫係大陸) 可能離港限制方面符合唔到.... 但係為左綜援而返香港養胎佢又好似好抗拒, 寧願係大陸慢慢挨....
如果係呢個個案....唔知可否申請到綜援但係又放寬離港56日限制呢?(因為佢8月到12月都應該大部分時間係大陸養胎...) 應唔應該叫佢去申請??
因為我家姐都幾倔強....如果到時交曬文件講曬情況都唔批, 佢就費事將事情講俾人聽去申請綜援....
就係因為呢個原因...我家姐寧願去問財務公司借錢都唔去嘗試申請綜援或者問媽媽借.....但係我驚甘差既經濟情況影到佢生bb既心情同埋佢同未婚夫既關係.....所謂貧賤夫妻百事哀一定多矛盾....而且佢諗住生完返黎香港做野, bb放係大陸親戚養, 未婚夫又起碼幾年先申請到黎港....到時一定更多問題....我覺得我家姐好傻....甘做法佢地一家三口既未來真係唔多睇好....不過既然條路係家姐揀既, 做細妹既都冇野好講, 唯有睇下有咩可以幫到手...見步行步...
ps:其實父母經濟狀況都算ok....但係我爸爸近日驗到腎有9cm惡性腫瘤...過多排會做手術....
大家覺得我應該做d咩先可以幫到我家姐?? 唔該曬!!
woo_cheukyan 多謝你既回答 不過就算我去申請綜援都無補於事bor, 何況我有手有腳都唔願意浪費納稅人既$$, 我只不過見到家姐真係有經濟上既需要先問下佢可否申請綜援幫助下啫, 其實佢都唔太想申請但又死撐得好辛苦.... 而且一個人申請綜援都係得千幾蚊, 點會儲到$$<等佢系大陸反黎, 我已經夠錢幫家姐>? 另外,我爸已排期係公立醫院做手術
其實我上個月知道家姐有左之後都唔開心左一輪, 因為就經濟狀況黎睇, 佢同未婚夫暫時都唔係有最佳既準備迎接小生命, 未來一定有更多問題.....我一定不能置身事外.....而且我都唔太鍾意未來姐夫....勢利d講, 佢冇錢又冇居港權同我家姐又唔係識左好耐兼且我都未見過佢就夾硬要我接受佢....仲搞大我家姐個肚又冇咩能力負責....加重我家姐同我既經濟負擔.... 再加上我爸又剛發現有癌症三期....簡直係雪上加霜.....對佢真係冇咩好感....甚至想打人.... 另一方面又覺得家姐好蠢...點降會揀個甘既人....
但係我前兩日偷睇左佢地兩人既sms同書信之後.....我喊左....唔係為左佢既情深, 而係為左我家姐既命苦.... 我依家先知我家姐呢幾年一個人撐得好辛苦, 佢係香港又冇咩親戚朋友,同屋企人關係又差, 仲要做左成十年野都冇錢係身, 可以話做人好失敗, 佢原來真係灰到有諗過去死....不過佢念在我仲細兼且屋企人會傷心先打消呢個諗頭....
呢d野佢都冇同我或任何一個人講過...(雖然有d我都估到...), 但係佢居然毫無保留甘講曬俾未婚夫聽...我唔知未來姐夫係咪對家姐真心, 但係家姐搵到一個佢認為值得信任可以傾訴心事既人未嘗唔係一件好事, 好過佢一個人苦撐下去....其實佢知道同一個內地既男仔拍拖結婚有d咩問題會出現, 亦都曾經想過放棄呢段感情, 不過最後都係打算兩人一齊面對未來既種種難題....而且暫時睇黎佢對我家姐都唔錯, 除左係經濟上俾唔到任何承諾之外....其實佢本身都有d堪坷既身世經歷, 所以佢理解到我家姐既諗法...兩個又會互相扶持互相關心慰問....
其實呢大半年來我家姐改變好大, 好大原因都係因為同佢拍左拖既關係, 我家姐以前好男仔頭架, 見到爸爸甘個樣對男仔有一定既抗拒都冇諗過結婚, 但係家姐呢半年好努力修補同屋企人既關係, 脾氣又好左, 笑容都多左, 雖然都有好多煩惱, 但係我覺得家姐開心左, 而且搵到d人生目標, 佢甘大個人都未去過旅行出過廣東省, 今年同未婚夫去左廣西玩左幾日, 仲影左唔少相添. 其實係經濟上真係唔太睇好佢兩個....但係我家姐鍾意....仲有埋bb....放棄呢段感情既話, 我諗我家姐會孤獨終老都未定....
為左我家姐, 我會勉強接受呢個姐夫....至於經濟方面....等我搵到份長工睇下幫到幾多得幾多啦....@@.... 回頭望望....呢幾個月我家姐係經濟上都好煩....而我仲好衰甘不斷同佢講$$....成日取笑佢又有追債信...雷曼有排玩甘....(我唔知原來佢經濟真係甘唔掂...) 返去自我檢討下.... 唔好意思, 發左好長既勞蘇~ 樂觀d諗, 家姐有人要~仲嫁得出~而且仲有半年就多個bb~點都算係雙喜臨門既~ 呢幾年條路肯定難行, 屋企人既支持好重要~ 我要努力令家姐開開心心生個bb出黎~ ^.^
多謝大家既回答~ ^.^ 唔好意思, 打左甘長既文....@@... 其實當我之前知道家姐有左3,4個月既消息之後都係首先考慮經濟因素, 學電視話法, 一個bb 4百萬, 他們養得起嗎?! 個一刻我覺得家姐太唔理智, 對未來太樂觀 , 而且破壞我目前既生活同經濟狀況, 一時間接受唔到...(我承認我有d自私, 覺得佢甘做會拖累到我...但又唔諗下家姐甘多年來對自己既照顧自己使過佢幾多$$....)
但係佢地已經先斬後奏了...=.=...之後我先知其實家姐都有諗過呢個問題, 有諗過落左佢, 但係身邊好多人勸過佢(父母同其他親戚唔知家姐既經濟情況差成甘), 佢亦都好想組織自己既家庭....(畢竟佢搵到個啱傾既人,又有機會生兒育女...) 最终家姐選擇生個bb出黎, 同個個人結婚, 10月擺酒(我媽要求), 唔會申請綜援, 生完後返港努力搵野做, 申請姐夫來港兩個一齊努力 其實我對姐夫都冇咩好感, 但係佢對我家姐唔錯, 其實係家姐有限既選擇中已經係最好架啦, 除左經濟上既問題....但係所謂莫欺少年窮....難保有一日佢地既經濟狀況可以改善....
其實就佢小兩口既經濟黎講目前係好差, 但係我相信總有出路的 雖然我認為家姐係理才方面好愚蠢, 搞到依家經濟情況甘差, 但係佢仲有屋企人同親戚可以倚靠....家人係需要互相扶持的, 不是嗎? 不能太勢利地說誰拖累誰.... 如果因為佢個人經濟暫時負擔唔起就落左個bb, 我覺得太殘忍....雖然有人說生佢出黎但俾唔到優質<四百萬>既環境俾佢都一樣殘忍, 但係難道因為怕之後對bb殘忍, 所以依家就殘忍地剝奪佢生存既權利先?! 窮人就不能生仔, 不能享有少少的天倫之樂?? 我覺得落左佢既話, 我家姐身心都會受創, 我都唔贊成落左個bb, 畢竟是一條生命, 只不過黎早左少少
其實依家我唔樂觀都唔得, 理智話我聽, 家姐做左個唔太理性既選擇, 但吾非魚焉知魚之樂?? 好多野唔可以用金錢去衡量, 當我諗到下年有個bb俾我玩, 我都有d開心~ ^.^ 情感上話我聽, 其實呢幾年家姐捱得好辛苦, 依家佢有機會抓住少少的幸福同開心, 作為細妹應該幫佢分憂而唔係落井下石
安慰自己講句: 依家最煩既係財政問題啫, 金錢 vs 生命, 錢可以再搵, 但生命真的可以take 2?? 大家一齊努力, 一定可以對抗到逆境既 ^.^ 你可以話我太天真, 但係經此一役, 我更加了解我家姐呢幾年既辛酸, 更能體會到佢既痛苦, 佢理財甘失敗其實我都有部分負任, 而且以前佢對我照顧有加, 又係我唯一既家姐, 點都唔會有難唔幫, 既然佢作出左生bb落黎既決定, 作為細妹既我依家唯有係能力所及範圍內支持佢令佢做個開心大肚婆~ ^.^
