健身男 ..可唔可以入黎幫幫我@o@?”

<1. 我手臀睇落好幼...做咩健身既會之手臀粗?" (我可以去體育館健身室lu*)>

做掌上壓都有助增強手臂的，因為掌上壓牽涉三頭肌，會令上臂粗 d。

當然，真係要有手瓜的話，就要做重量訓練，最基本的二頭和三頭肌練習就行了。

二頭肌練習：
http://www.youtube.com/watch?v=1dABiiGlP4k

三頭肌練習：
http://www.youtube.com/watch?v=BeI1Fr7FNGM

不過我成日都講：提供條 link / 圖 / video 等，只係等你知道要做邊個動作，實際上一定要搵教練或資深的師兄指導，唔好自己睇完片就自學，好危險的。


<2. 如果做Gym(唔單止粗手臀) ...會唔會影響增高 我今年16 .but11月就17了....e家175 但我想有180">

一般來講，16 歲就可以做 gym，你都快 17，當然無問題啦。

身高就好難講了，無人可以確實話你知能夠高到 180cm，如果你家人都好高的話就或者可以的吧，不過你現在應該接近增高尾聲了，再高 5cm 的機會唔係咁大。

其實現在 175 都不俗了，沒所謂啦。


<3.食大隻奶粉 ..真係對練肌肉好有幫助?? 我睇過你之前係其他知識既回答介紹左幾隻奶粉.都唔係平" So我先知睇下係咪好有幫助先買@_@|" <---16歲又冇做暑假工.平時咬緊零用錢架咋>

健身奶粉並非必須的，尤其你重讀緊書，唔建議你花呢 d錢啦。

其實你只要正餐刻意食多 d 肉類，魚，蛋等含豐富蛋白質的食物就行了。

反正你還是初學者，估計運動量唔會太大，暫時亦不是追求很大隻吧？現在就食健身奶粉的話，好大機會用唔晒 d 蛋白質，變成蛋白質過剩，反而對身體唔好添。

到你有一定健身基礎，手頭又鬆 d，而又決定要追求肌肉型身材時，才再考慮健身奶粉吧。

Tim Sir 其實你解答都好好" 唔該哂你 =]

我是健身教練Tim Sir
1. 練粗手臂可做啞鈴彎舉，練二頭肌，但有好多動作，不可簡單描述。還有做拉力器下壓，頸後臂屈伸、平板臂屈伸等練三頭肌。
2, 你已17歳，基本上發育已完成，175cm並不矮，現在健身是最佳時機，不會影響發育。
3. 飲奶粉要配合健身，不高強度健身不應飲健身奶粉，那是給高級健美運動員(大隻佬)飲的，用來增肌，你不高強度健身，沒需要那麼多蛋白質，飲了也不吸收，而且傷肝，所以不要飲。
最後練健身要全身均勻地練，不可單練某一部分肌肉，這正如起樓的地基，地基不穩，樓上做得幾堅固都無用，一樣會倒下，即是不可單練手臂。
建議你請教練，在雅虎打健身教練，按搜尋，便可找到自由工作的教練，收費是那些大型健美中心的一半，而且級數更高。
胡亂健身，一是無效、一是受傷，得不償失，不要省錢。