牙周病要脫牙>.

牙周病是牙齒周圍組織的疾病。由積聚在牙齦(牙肉)邊緣的牙菌膜分泌毒素令牙周組織發炎所引致。如果有以下情況，就會容易患上牙周病: 戴上沒有徹底清潔的假牙--牙菌膜和食物渣滓容易積藏在假牙與牙齦之間的罅隙, 牙石積聚--牙石粗糙的表面令牙菌膜更易積聚, 牙齒排列不整齊--牙齒排列不整齊令牙齒難於清潔, 您咁後生就已經有牙周病仲要脫咁多隻牙,真系大鑊, 以目前來講系冇得醫, 只有好好地護理餘下d好牙, 脫一隻就冇一隻, 生唔翻,鬆左亦唔會自己緊番, 唯一可做嘅野就系要定期每半年洗一次牙,清除牙菌膜, 因為d牙菌膜會令您牙肉收縮令牙齒鬆脫, 牙根外露時您食冷熱食物時痛到飛起, 屈記有隻牙膏叫奧x爾, 成舊水一支, 佢對舒緩牙周病有少許幫助,最好買支電動牙刷刷, 按住牙與牙肉間輕擦,要擦耐少少及最少一日擦兩次, 有牙線就用埋佢, 唔好食煙, 因食煙會對牙肉收縮加劇及阻礙生長, 七百幾蚊脫牙連x光唔算好貴, 一般屋村牙醫都收咁上下, 牙周病冇咩療程可言, 您照足我頭先所講去做一定可以減輕病情, 同要有恆心去做, 我唔系嚇您, 唔好好護理只會一路漫延開去, 大概三至四年就唔見一隻,唔脫又痛死您兼影響埋隔離果隻, 您整假牙要三四千蚊一隻, 植牙就成兩萬一隻, 您諗吓如果唔好好護理, 到您六十歲淨番幾多隻?

2009-08-12 11:25:41 補充：
一般嚟講整假牙最低消費都要兩三仟, 如您所講下顎三隻要做假牙起碼收四五仟, 但您又好慘, 下顎冇三四隻牙連講野都有困難, 因為會漏風兼儀容都有問題, 唔裝假牙又唔得驚您冇哂自信, 冇計啦, 碌住卡都要, 您可以打去個牙醫度問一問佢約莫幾多錢先, 心裡面有個預算, 牙周病真系冇得醫(以現時嚟講), 如您下定決心每半年洗一次牙兼做埋口腔檢查, 會保得到棚牙, 但如果您見佢冇咩野又唔理佢, 牙周病又嚟搵您, 連您棚假牙都唔啱帶, 因為牙肉又開始收縮攪到移位, 牙醫再幫您整又收您錢, 唔使太擔心, 好多人都有牙周病, 爭在發覺得早唔早同去唔去根冶, 少d牙菌膜佢就唔會嚟攪您!

醫生話要脫就即係一定救唔返,睇黎你棚牙都好唔惦bor

算唔算貴就睇下面la

其實所謂牙周病療程都係洗牙,不過係要洗2-3次,洗完一次之後隔一段時間再洗第二次,因為牙石積在牙與牙肉邊,可以積得很深,不能一之過洗晒.每次$250-500
不過洗完牙後,冇左很多牙石,牙肉邊收縮,會令牙腳露出,令隻牙睇起上黎很長及容易敏感(即食冷熱食物感到酸軟),牙醫唯有幫你補,呢條數先西利,補一隻$250-300,隨時6,7,8隻,仲有爛牙又要補,補一隻$250-300.睇你有幾多牙要補.仲有可能有d牙救唔番,要脫既話門牙大約$300隻,大牙大約$800隻.脫完就要鑲假牙,普通活動式假牙幾千,種牙一隻2萬.

照片一張100

所以最後埋單視乎閣下棚牙既情況而定,最少數千完,自已計la

2009-08-12 18:27:09 補充：
你同醫生講分期付款
佢會儘量配合

haha21歲爛牙爛到你咁
等你睇唔護理d牙既後果啊la
依後記得準時刷牙la哥仔