模型上色程序是什麼？

基本上, 唔同模型有唔同程序, 但係, 主要分別都係向後工序. 你只問上色, 我就由上色之前一個工序講起, 其他唔講啦.
上色之前, 如果有面要的話, 先上畢地. 上畢地的原因有三個.
1. 統一底色
2. 令上色後表面光滑.
3. 令模型油附在表面好D
所以, 如果你做舊化, 凹凸不平的模型, 就唔一定要上.
之後, 睇你噴咩色, 因為一般畢地只係有白色, 灰色兩種. 當然, 如果你用噴筆上畢地, 你可以自己調色. 但係, 好多時, 因為要發色好D, 個底色要唔同顏色. 例如, 銀色的話, 最好係黑色底. 紅色最好係黃色底等. 用正確的底色, 會令表面顏色發色得更好, 明度增強, 如果紅色用左白底, 噴好之後總覺得淺左等.
當然, 如果D油品質好D, 遮蓋力強D, 就算唔上底色, 差別都唔會話太大. 例好 GAIA, 郡氐 GX, FINISHER'S等.
上好底色之後, 就上你要既顏色. 一般都上兩層以上.
搞掂之後, 睇你係咩FINISHING啦. 光面, 半光, 定係啞, 選好CLEAR油之後再上. 但係, 如果你要入墨/水洗等舊化時, 就唔可以先上透明啞油, 否則影效果, 先用琺瑯油搞好所有舊化, 入墨等, 之後才上啞油.
之後貼水貼等. 如果要做無段差 (即睇唔到水貼條邊), 貼好水貼之後, 再上CLEAR油. (一般汽車模型用手法). 之後用2000沙紙磨, 省COMPOUND.... 直至光亮為止.
所以, 你睇完以上, 你要的工具會因為你唔同的處理方法有變. 基本上如以下:
1. 噴筆/泵 或噴油, 如果手掃, 當然要筆.
2. 模型油. 睇你自己要完成程度. 一般用油性油, 如果入墨, 水洗, 干掃等手法, 用琺瑯油.
3. COMPOUND, 要做光面時需要.
4. 粉彩, 如果做舊化干掃時好好用.
如果上色黎講, 基本上都你以上工具, 當然, 仲有D輔佐工具, 如夾仔, 筷子, 夾起D件噴油用, 綿花棒, 調色盤, 等等. 但係D輔佐工具大部份都係無一定局限, 視乎你自己就手, 須要.. 等.
高級D可以買噴油箱, 焗油箱, 等.
所以, 工具方面, 真係豐儉由人, 有幾佰元一個泵, 幾千銀一個又有, 大陸雜嘜水格幾條野又有, 日本SMC$205水格又有. 台灣噴筆百零二百蚊有交易, 日本仔幾舊. 所以, 如果開始玩, 唔知自己係唔係3分鐘熱度, 唔一定要咩都齊. 投資可大可小.

其實好簡單...

如果你想你隻模型有一定的水準,你就跟着我以下做法:



你要買:

1)一部模型(當然啦!)

2)一枝噴筆

3)一些油(顏色隨你喜歡)

4)一枝畫線筆

5)一枝乜地

你的程序:

1)你唔好打開個盒就砌,你先為組件噴上乜地(會容易上色D)

2)噴完之後,你就準備噴筆

3)你就開始噴你的模型

4)噴完你就開始砌...(由於你只是問上色,所以我唔講砌模型的技巧)

5)最後你為模型畫埋線就ok!