LCSD獨木舟一星課程

講真, 我都泳唔到, 但我考晒!

上堂前教練唔會水試, 但事前要你簽生死証

証明你自己識, 同埋有事LCSD唔會負責

(要簽左先可以上堂)

唔識游都無所謂, 因為落水要著助浮衣(類似救生衣)

無著助浮衣無得落水



wet suit有上半身和全身兩種, 亦有不同碼和小朋友碼

如果你夏天玩, 千萬不要穿, 你會一定會中暑!!

落到水你實熱死你, 雖然佢全年都會供應

但wet suit是保暖用的, 冬天(約10月-4月)才會有人穿"


wet suit 要你著左衫先再穿, 並非赤裸-_-



穿t-shirt+褲+白飯魚係最簡單要求

如果你怕曬黑, 就著長袖薄衫+薄褲

裡面就再著游衣, 包跟趾鞋就一定要有


如果你玩完一星仲有興趣玩

先買防曬衣+防曬褲+潛水鞋果d貴d既物品



PS: 無論陰天晴天都要搽防水的防曬同帶帽呀!


祝你考一星成功!

2009-08-12 01:23:58 補充：
呀! 一星要學反艇再拍艇3下!

揀件岩身的助浮衣會無咁驚

同埋真係保到命!

2009-08-18 14:24:29 補充：
我都有報lcsd泳班
考試亦都合格左, 有埋張紙証明游到

但學我當時的游泳教練話
識游水的定義每人都不同
總會/屬會都沒列明識游水是指什麼
只會話要游到多少米!

所以我就算考試合格,
但我都認為我自己是不懂游水的!!

2009-08-18 14:24:33 補充：
其次, 我考一星的時候,
教練識游水的定義是: 懂得叫救命/吹雞, 就算識
真的真的每人的識游水定義都不同!
我懂嗌救命, 所以以他的定義, 我是懂游泳

而且加上, 考二星的要求是要考到一星
該要求除列名要有一星之外, 並沒有指明要懂游泳
所以我繼續上二星都是合理+合資格

我自己5個中心都去過
赤柱是最常去的一個 (05年開最新+方便)
幾凍幾大風浪雷暴出trip都試過, 亦學了翻滾
全體cap艇又有試過, 自己一個上艇亦都無問題


講真, 你有lock實艇, 有埋裙
就算大風浪都有幾何會反艇先得架

2009-08-18 14:28:27 補充：
總會log book 買一星章會附送
最新版應是2007年, 旅程記錄沒了流向一項
總會log book亦可以到總會買, 但要有少年証書及$10一本

而lcsd log book免費送
最新版是2009年

2009-08-18 14:33:00 補充：
越上得高級, 先會發現其實星章是小兒科

有d技術會用得返 再加新野

有d就唔識都無問題 自然有其他新技術代替


不同教練有不同教法

但星章証書就一定每張$20

2009-08-18 14:38:38 補充：
　　獨木舟是一種老少咸宜的水上活動，裝備簡單，只需槳、救生衣及你的參與，稍經指導便可體會划舟的樂趣。


一星章訓練（一天課程）

　　專為初學者而設，讓你在平靜的水面學習基本划舟技術，包括哨子訊號的認識、個人裝備、如何穿著救生衣、集合成艇排及翻艇後的適當處理方法。完成課程後，你可繼續參加獨木舟二星章訓練。
參加資格：能游泳五十米。

2009-08-18 14:49:49 補充：
HK ([email protected]):

總會註冊名單沒有你的名字

請問你是何方的教練?

再一次同所以人講助浮衣唔係用黎救生用, 仲有救生衣係有兩種! 兩種用處係唔同!

我自己作為一個獨木舟敎練, 係我黎講我會叫你你唔好去上堂, 除非學識游水! 當然我有我講, 你自己有權決定, 真正有事的時候, 你唔單只救唔到自己, 仲要你教練寫report! 係政府班, 如果係沙灘好多時我地都唔會叫學生游50M, 但泳池班(獨木舟水球初班)我地就一定要佢地游一個直池!

仲有簽果張唔係叫生死証, 果張係(聲明)証明你自己係識游水!

如果上獨木舟班通常會叫你地係著長褲(唔吸水的長褲), 因為全係坐係艇, 大脾好易晒傷!

有袖的T恤, 最好係for落水而且長袖的T恤, 當然無的普通短袖T恤都OK! 長袖可以減少晒傷的機會!

帽 + 繩果隻, 無繩果隻你預左唔見!

白飯魚鞋, 如果諗住長玩, 即係繼續考上去, 最好買對落水的鞋!

wet suit係公用物品, 所以你唔知上一手有無皮膚病, 我地會叫學生著自己的衫褲係裏面, 至再著wet suit!

一般wet suit 只會叫學生係十五度之下至著! 自己如果諗住買一件的話, 大約四佰至一千都有! 而且wet suit 係有厚度分! 唔同的氣溫著唔同架!

conoe log book係唔洗買, 因為考到一級的時候, 獨木舟總會係會送一本, 但你要同佢買一級的証書&星章!

2009-08-12 15:54:08 補充：
仲有你知唔知係海度我地(教練)要不停點人數!

基本上係每次教任何動作前點一次, 後點一次, 你知唔知一個教練的責任係幾大, 你唔重視自己的生命唔重要, 但我想講係我地任何一個教練都好重視學生的生命! 唔好將我地成為你死唔死得的籌碼!

2009-08-12 16:15:29 補充：
你自己衰就好啦! 你係個open的地方咁教佢, 一班有多幾果係咁的時候, 真係出現大風浪的日子, 佢地又一齊去上堂, 你叫個教練點算好! 你知唔知唔識游水係海中心出現問題佢地會驚, 之後唔會識冷靜處理問題架! 到時個教練救得邊個!

2009-08-12 16:15:47 補充：
越玩得耐就會越知咩叫危險! 你試過同一班裏面一齊落水, 特然間有一陣吹過, 睇住成班同學cap晒落水未?? 我親身試過! 我上高級的時候, 得返我同我朋友兩個無cap到, 救完呢個到救第二個的時候, 睇住剛剛救完的cap返落去! 而且仲一路飃出海度, 仲越分越遠! 我同我朋友幾驚! 危險的事係你唔知幾時會發生! 咩叫意外, 係意料之外! 如果佢真係聽你講去左上堂到有事時你安樂咩?? 如果你諗住繼續考上去,唔該你真係學識游水先! 之前試過有人係大潭出艇! 因為隻艇斷開左, 結果一個人係海飃左成晚, 最後係西環上返岸!

2009-08-21 10:16:50 補充：
我三年無係總會註冊! 因為自己教琴, 所以已經分身不下!

但你可以再返總會問下, 我叫李耀良LEE Yiu Leung!
教練編號係網度我睇唔到比你, 你自己返總會check!

其餘仍有的資格:
中級獨木舟水球裁判編號係呢個 CPR2-08

ICF國際獨木舟水球official (任期至下年)

之前曾有的資格
獨木舟水球組賽事主委 (我都唔記得自己搞左幾多年賽事)

你呢?? 夠膽post你個名出黎嗎?? 我都好想認識新一代的獨木舟的運動員係點!

2009-08-21 10:33:19 補充：
留左的係之前曾有的資格:

香港獨木舟水球教練! 幾年前水球班每年都有我份教!
我教出黎的學生每年計係 大約200!

都係果句, 小朋友自己衰好啦! 唔好教壞其他人! 無錯, 你可以係度講野

[(不負責任)]!

或者你仲未覺得自己有錯, 又或者唔知點解人地會話你錯! 我夠膽出名比你, 係因為我會為我自己寫過的野負責! 亦都唔介意你去check! 因為我講的每一句都係實話!

2009-08-21 11:15:19 補充：
TO : 問果個

獨木舟其實有好多唔同的類型, 係香港現時分為 競賽 / 水球 / 激流及展能,

玩法其實都有唔同, 視乎你的鍾意, 所以你可以上返香港獨木舟總會的網頁, 睇下邊樣有興趣!!

如果真係有興趣玩任何(唔一定係獨木舟) 水上活動! 快D學游水, 因為游到一個直池係最基本的條件! 就算唔玩都好, 游到一個直池都係一種的求生技能! 當有需要時係用得著! 意外無人知幾時會發生, 當真正發生時至後悔自己唔識游水會唔會遲左D呢?

記得生命可貴, 可一不可再! 唔好攞自己條命去玩!

(如果無再續牌的教練唔算教練的, 你就當一個大哥哥同你講!)

2009-08-21 15:09:43 補充：
教多你一樣野呀小朋友!

有時名銜的野唔好睇得咁重! 講既野有point我就算唔寫, 都仍然可以話你教壞人! 後生仔有時做野唔好咁不顧後果! 我唔出聲, 佢又真係去報名, 有起事上黎, 又比報紙登出黎, 話佢係網度問完, D人話無事佢至去報名! 你認為邊個大鑊D, 唔係你去負責, 你可以大話西游都無問題! 最後有事要負責的都係LCSD 同獨木舟總會! 都唔關你事! 又唔會有人告你誤殺! 不過呢咁唔負責的行為咪細路的行為囉!

2009-08-22 19:58:56 補充：
點呀??小朋友果名唔見得人呀?? 做完的野負下責任, 出返果名! 等我知下你係邊果!