關於通波仔既問題 20分

LMA 左主幹塞左40%未必會同病人放支架的。
RCA右直支既塞左70%就放梗，除非塞左係個分支位。
但你媽媽做的是【CTA－電腦掃描】，定係【心導管顯影】呢？如果係 CT ，所顯示的栓塞程度只有八成準確的。政府醫院未必會用私院的 CTA 報告為準。
1:血管要塞左幾多先要做通波仔手術或者放支架? 以心導管所見為準，一般塞到 70%到值做通波仔 (係放埋支架的) 手術。
2:好似我阿媽咁既情況要做通波仔手術還是放支架?如果放支架要放幾支? 照你所講的情況，多數只做 RCA 個隻支架。
3:如果政府醫院做總共要比幾錢?(列埋放多少支架同其他收費) 先交七萬按金。醫生費，手術費唔收。器材、藥物用左多少就係按金扣，多除少補。導管約一萬，普通支架一隻萬二。滲藥支架一隻二萬四。一般放一隻支架費用應係四至五萬之間。
4:如果申請政府資助,政府會資助所有款項定係會資助幾多? 聽講要做資產入息審查先決定批多少。你問問註院社工啦。
5:支架有分普通支架同藥性支架,如果申請政府資助係唔係衹可以用普通支架? 係衹可以用普通支架。
6:普通支架同藥性支架有咩唔同,分別大嗎? 滲藥支架一般會用於窄位上，以防止血栓及內皮細胞增生今支架位再度拴塞。
7:如果去政府醫院做通波仔手術唔需要放支架係唔係不需要付錢? 唔會凈做一樣。一做，波仔支架一齊做。如果放左導管入心而又無通波放支架就不需要付費。

三底族人真係對心臟果方面好專業

邊駛做手術...更何況做完手術你媽媽身體一定元氣大傷 而且價錢又平
不如介紹個治療俾你去睇啦 偏向中醫的 早幾年有個朋友爸爸的情況跟你媽媽一模一樣 都係三條血管,有兩條塞左 本來都要做手術的 不過做手術前去睇呢個治療...當到做手術那天 醫生再檢查 發現嗰兩條塞左0既血管已經通翻了 ...信不信由你
佢由睇呢個治療到血管通翻好似大約兩個星期左右...
你都不妨帶你媽媽去睇睇
有需要可以聯絡我...