本人今年八月一日持葡萄牙戶照前往加拿大, 但被拒絶入境, 問
題是, 前三次入境都可以的, 因為報讀短期課程, 少於六個月, 有
學校信證明, 那邊海關都給我一張臨時study visa, 然後入境, 而當
時, 曽在境內申請一次study permit, 因為那時有個課程想讀, 但知
道超過入境期限, 所以去申請, 但可惜, 已離開加國後, 才收到他
們的回覆, 申請已沒有意義, 所以沒有理會了,
事隔年半後, 即係 今次, 我以tourist身份入境, 是探望當初在加拿
大認識的朋友, 但被他們拒絶, 但問題是, 我前三次入境, 都沒有o
verstaying, 完全沒有觸犯他們的入境條例, 今次我有回程機票, 有
朋友的聨絡資料, 他們亦都打電話給我朋友確定, 也有說明我的
工作, 但都被他們拒入境
想問, 會不會
他們覺得我當初曽在加拿大申請permit, 認為我今次入境也會這
様做, 但我每次都是合法入, 合法走, 又沒有做犯事, 點解會這様?
另外, 會不會因為我帶了一些乾肉鬆入境, 沒有申報, 亦都變成拒
入境的原因?
但我當初是不知情的, 我不知這些食品內含有肉鬆的, 以為只是
普通的米通食品,
被拒入境後, 我問了當時的海關, 將來我要入境點算, 她叫我問香
港加拿大領事館, 回來後, 我就第二天去問, 領事館話他們是發簽
證的地方, 我的證本身是不用簽證就可以前往旅行的, 所以THEY
HAVE NO IDEA!
而且領事館亦說, 他們都沒有權去管加拿大入境的事, 還說有時
他們發了簽證給對方, 那邊的海關都會拒絶對方入境的
那我現在怎麼辦, 將來再去又如何呢, 我應該寫信去哪個部門求
助及投訴?? 投訴是因為當時負責検查我的女海關實在太過份, 她
將我的私人記事筆記續頁續頁查, 還問我為什麼寫上study in cana
da 及graduate program, 但那本記事本是我前三次去加拿大的記事
本, 記錄一些資料是以防身在異國有事發生後的手冊, 難道都做
成她的猜疑嗎, 我已解釋, 她都不理會
點解會這様的, 請幫下我吧~~~~
加拿大被拒入境
2009-08-08 8:21 am
回答 (2)
2009-08-11 11:55 am
✔ 最佳答案
加拿大入境部門拒絕你入境; 可能係懷疑你入境嘅目的. 其實你當時可以要求佢地比拒絕你入境嘅原因, 或者要求搵律師擔保你暫時入境, 又或者要求見當日嘅主管比個理由你.當日接見你嗰位女官員, 佢覺你入境理由唔充分, 或對你入境目的有懷疑, 所以拒絕你入境. 照常理同豬肉鬆無關, 就算豬肉鬆冇報關, 最多係充公或罰錢, 唔會即時踢走.
你問領事館佢地都幫你唔到, 領事館同入境部門係兩回事, 領事館比簽証你; 只不過話你响原居地已經做咗審核, 比個visa你, 但最終比唔比你入境係由入境部門批準, 我相信响 visa 度有講, 有 visa 並唔擔保你可以入境. 入境部門响你入境期間會照當時環境比唔比你入境, 例如佢問你嘅問題你嘅答案令到佢地有懷疑, 或者以前入境嘅 history 佢地唔滿意, 或者佢搜查你期間發覺你有古怪. 通常佢地懷疑會入境後唔走, 如果係女性就會懷疑妳假結婚, 男嘅就懷疑你嚟做黑工. 佢地會响你入境時嘅問話當中決定比唔比你入境. 因為你冇講到當時你同嗰位女官員嘅對話, 所以唔知發生乜嘢問題, 答你唔到.
你話投訴佢睇你本日記, 相信唔成立, 入境部門有絕對權力摷你帶嚟加拿大嘅任可嘢. 我覺得最大可能性係嗰位女官員睇完你嗰本日記覺得你可疑, 而你嘅答案唔令佢滿意.
你最好係攪清楚佢唔比你入境嘅原因, 然後對症下藥. 如果被拒入境一次好似三幾年都唔入得境.
想再入境可以考慮搵加拿大律師擔保, 或者放棄唔用萄國護照, 因為已經入咗黑名單, 改用特區護照.
2009-08-11 22:53:55 補充：
想保充吓你幾時可以再嚟加拿大. 如果唔係因為嚴重理由而被拒, 例如有案底, 身體健康有問題, 或入境會對加拿大安全構成危險, 應該唔會入黑名單.
如果當日加國要求你自動取消入境申請, 即是話你自動離境, 咁情形就簡單得多. 佢地只不過當時覺得你入境資料唔齊, 或者唔多相信你當時入境嘅真正理由, 或者佢地覺得你入境以後未必會走, 可能你原居地冇工作證明之類. 如果係咁就唔會入黑名單, 你夠膽嘅話除時都可以嚟過.
2009-08-13 10:07 pm
如果你想知清楚為何那次不能入境, 你可以寫信去加拿大入境處了解. 咁你下次再想去時, 就知道如何做.
收錄日期: 2021-04-25 21:13:37
原文連結 [永久失效]:
https://hk.answers.yahoo.com/question/index?qid=20090808000051KK00041