冷氣機恆溫問題

其實1至10係代表一個溫度既設定.所謂恆溫既意思就即係冷氣機會偵察環境的溫度而自動調節輸出去保持溫度.只要設定咗一次就得,係唔駛天熱較高啲,天冷較低啲啲.
方法係透過量度吸入房間的空氣,唔夠涷就繼續冷卻,夠涷就停止冷卻,淨係出風.
不過咁既設計其實係有問題的,由於唔係連續輸出,當停止冷卻時室內溫度是會升高的,冷氣機是要高過設定某一個溫度才會再制冷的,當開始制冷後,又要降到低過設定溫定低啲才會停止的.而壓縮機開關不能太頻密,所以實際上所謂恆溫並唔係指溫度一直不變的,會熱下涷下咁.尤其係天熱,停嗰下可能會幾熱,所以好多時係要被迫開高小小的,搞到過涷的.
所以最近出現咗一啲所謂變頻冷氣,就係當溫度去到差不多設定溫度時,就唔會再用全功率輸出,而係降低功率慢慢咁涷,盡量保持長時間出冷風,減小停止制冷的時間.
至於Fan至High其實係指風扇的強度,Fan即係單吹風唔制冷,Low,Medius及High等就係低,中,高風.越低風越靜,但由於風唔遠,將遠處空氣吹冷的時間較長,尤其係房間較大時,高風則比較嘈,但可以有效將冷空氣吹遠.較快冷卻整個房間.所以加把風扇幫助吹散冷氣係可以有效加快冷卻整間房間的.但同1至10係冇關係的.