✔ 最佳答案
一路讀 ive一路自修唔係唔可以,不過好辛苦,而且最懷清況係兩邊都兼顧唔到時,浪費多1年時間同學費。
你最好諗清楚自己想點,專注一條路會好D。
重讀係一個選擇,視乎你有幾大把握下年考到理想成績升中六,因為下年已經係最後一年會考。如果唔係,揀專科文憑讀會好D。
如果想讀文憑,就要諗定日後的工作出路。ive有度好,就係咩科都有。不過如果未決定,諗住讀商科,咁ive就未必係最好既選擇。你有10分連英文合格,可以去Aston Institute問下,佢個商業管理高級文憑,好似2年就得;IVE起碼要讀3至4年。
不過ive較好既係分校比較多,可以揀就近既校舍;Aston只有1個校舍係灣仔,而且專係商業管理。
兩者大部分學生畢業後都係升讀海外大學係香港搞的Top-up Degree(即銜接學位)。ive的Top-up只直升2年級,而且得一兩間海外的聯系大學,大學排名一般;而Aston就有15間聯系大學,包括澳洲八大Monash University,畢業後保證直升大學2年、2年下學期或3年級。
我有中學同學係Aston讀,佢話個度讀書氣氛唔錯,部分導師係外國人,而且好nice,即使英文唔係太好,只要肯講肯試,老師都會幫手,英文會話同書寫唔係問題,仲進步得快d添。不過一年分3個學期,無暑假放,只有學期同學期之間有兩三星期放假。最後一個學期要做500個鐘工作實習,如果實習期間做得好,有師兄師姐試過獲續約,轉做長期兼職或長工。
10分兼中英合格都未係好差,你起碼都係肯讀書個d。希望你會好快搵到岩你的出路啦。加油~