養bb貓o既問題~

✔ 最佳答案

其實我贊成領養唔贊成買貓，但目前先答左你問題先。

但我睇好多forum... 話應該兩個月先戒奶~
因外在環境而要提早食乾糧都無法，當然，如果可以的話飲耐啲貓媽啲奶，始終係健康啲囉。我自己湊過前後三對貓B，最細嗰對連眼都未開，嗰時就只有飲奶一種選擇，但比較大隻嗰隻，係三個零禮拜大度，已經擰開塊面，唔太想飲奶，所以嗰時我買RC啲BB糧，用我地飲ge室溫水浸軟啲糧，佢肯飲咪由佢。
所以你嗰貓貓一個月大，其實已經可以飲乾糧囉，但為左佢啲牙仔着想，你最好用室溫水稍稍浸啲糧，如果佢係啲糧未濕透就拚命食，即係佢想食全乾ge糧，咁你就唔使浸喇！

入籠目啲，一來係窄環境入面，佢會有安全感多啲，二來可以防止你半夜三更起身去廁所嗰陣，唔小心踏到佢，咁就真係大件事，係佢身手未夠靈活嗰陣，你真係可以踏死佢嫁，因為我上面讚嗰對貓B，被人領養左之後，就俾領養者嗰女，好唔小心咁踏爆左個頭，詳情唔講喇！
總之至少三個月大嗰陣，你都係夜晚困籠好啲，日頭你可以放佢出嚟同佢玩，等佢快啲適應你屋企，明無﹖
我一屋五貓都係食RC、Hills，但係4個月大之前，都只係食RC BB糧啫。
豆付砂可以就咁沖落廁所，比較貴、但天然，貓貓埋便便嗰陣都唔驚佢吸入啲塵唔健康。水晶砂好睇唔好用，我勉強用左半包，都忍唔住掉左佢，絶對無塵，圓粒，貓貓鐘意入砂盆玩砂，好多時會整到出嚟，人通常都會踏到標眼水，我又唔太覺佢對啲大、小便點吸味囉。
對幼貓嚟講，當然豆付砂健康喇，得一隻，貴啲都唔點肉赤，我有5隻，所以先唔用啫。我朋友都有用豆付砂，我一入佢廁所就聞到怎豆付味，OK吖，都結得幾實。
希望幫到你！祝貓貓健康、快樂！

回答 (2)