由0開始,想做會計

你可以考HKIAAT的AAT卷(8份, 或者讀書豁免全部或部分都得, 需要1-3年), 之後考PBE(4份, 需要1-2年), 之後讀QP(4個modules+1個大考, 需要約1-3年)再加3-5年工作經驗(工作經驗好似由你做HKICPA的Student member才開始計), 就可以成為CPA. 如果想執業, 要先成為HKICPA的會員(即是完成QP+3-5年經驗), 之後考執業考試及需有一定的核數經驗.
仲有, 想之前請先睇下job ad, 睇下香港對會計師有乜學歷要求, 大公司通常要大學畢業、幾年工作經驗(有部分要big4)加有專業資格. 大及中型會計師樓多數請大學畢業生. 如果高級文憑畢業, 出路就主要會去中小型會計師樓或者公司會計部工作, 亦同時會進修準備考試. 中五學歷出路主要做會計文員及會計師樓工作, 不過唔少會計文員工都要工作經驗, 而且新入行人工真係唔高.
所以, 會計其實係幾強調學歷的行業. 一年有幾千人會計畢業(包括會計degree、hd及asso), 十個有九個都會考牌. 你得中五學歷, 點夠人爭? 就算有得做, 都要不斷進修維持競爭, 否則好容易被人淘汰. 所以一直唔少人強調做會計最好要有大學學歷.
會計師試係唔容易考, 唔少卷合格率都係唔高, 有部分卷合格率係極低. 你會考已經考得唔好, 而且會計試比會考難好多, 係唔係真係做到一take pass呢?

大前題是要完成大學學位

可以考慮由副學士入手, 香港或海外

海外比較快, 如美國, 香港中五畢業已經可以入讀社區學院

2-3年時間完成AA DEGREE 再TRANSFER 入大學 JUNIOR YR

再花2年 就可以完成大學學位.

在大學最尾一年. 即SENIOR YR, 可以開始考CPA EXAM
4張PAPER 每次考2張. 順利的話1年完成4張卷
大學畢業後去CPA FIRM 做STAFF ACCOUNTANT/AUDIT/TAX
1-2年就可以拿到CPA LICENSE.

假如你是今年會考生..現在應該立即開始副學士升學.
HKUSPACE, CITYU
海外如美國加洲..波士頓
英國學費就比較貴了

以你來說最快7年就可以