副學士先修,gpa分

1. 浸會副學士其中一個入學要求係.完成副學士基礎課程
即係, 只要你所有科都合格過到合格的cgpa (其實冇科唔合格都一定係過左合格cgpa)
所以唔係高分先升到

2. 轉校係會高分d , 但係其實多數都會收. 不過如果你想保守d 的話, 請你假設自己要3.0, 因為係先修班黎講, 合格分唔難拎, 有心讀就ok!因為佢都要平衡返有d同學的能力會比較差, 如果cgpa 有3以上的話. 咁會隱陣d

不過, 我自己見好多人由唔同的副學士先修升去另一間副學士, 都冇乜邊幾個話唔得, 所以我相信佢的要求都唔會set得太高. 最緊要你要副學士先修畢到業囉!

3. 浸會果個先修班應該唔會叫人re-take 英文會考的啵,
你的意思係唔係佢要你入學後修讀一d 英文的科去補底?

報浸會副學士先修, interview 果陣, 老師會根據同學的會考成績 同表現 去視乎同學需唔需要修讀一d補底的科
因為學校方面都要.同學基礎上能夠達標,特別係英文 先再去升讀副學士, 這樣,同學先可以有效率地跟得上進度

當然啦, 係副學士先修黎講, 你任何一科有唔合格, 你都會畢唔到業, 要你retake 唔合格的科 retake 到 你合返格為止

但係我又認為, 學校方面既然安排一個補底的英文班比你, 都知道你的英文基礎唔係好好, 所以佢都唔會難為同學, 緊係會配合返同學既能力啦! 唔會太難!
所以你又唔洗咁擔心, 只要你有心讀既, 唔好懶散, 盡力做好所有的功課同考試. 要合格真係唔難丫!

我以前讀浸會副學士先修果陣. 都見好多同學, 係會考時得幾分.
英文都唔合格. 但係佢地先修畢業果陣都有3.5 以上的gpa!
因為佢地都好認真對待成個學業...
講真丫, 你黎得呢度, 都係想讀書, 繼續升學. 甚至上大學架啦!
如果咁都唔認真讀好佢, 讀黎有乜為先, 哂錢又哂時間,係米?

所以你要加油丫! 為自己訂高少少個目標, 咁要做到你想既野例如轉校or 畢業 就唔難架啦!