想搵人傾下...分手後的煩惱，忘記5到佢...痛苦

睇完你寫的野, 可以好確定你年齡係廿五歲以下!或者可能廿都未到! 唔係話你幼稚! 只係你經歷未深! 我曾經係中學時期都同一個女仔拍左三年拖! 之後分左手, 果時覺得自己仲係好愛佢, 結果自己就三年無拍拖, 因為覺得自己放唔底! 仲好想去保護佢, 最後不停係佢身邊的朋友問佢的近況! 好多佢的朋友都問過佢, 我對佢做左咁多, 會唔會再考慮我! 而佢其實已經同第二個一齊!

分左手三年之後我都再拍拖! 之後好以仲未放底, 所以都分手!

又過多三年又有另一個女仔出現, 但唔知點解, 都係成日諗起佢, 所以都係唔好拖人! 又分左手!

終於到第十年, 係一個巧合的情況下見返佢! 之後再有聯絡! 而且我地亦都係返一齊! 但可惜最後都係分手收場!

之後至知其實未必係自己真係最愛係佢, 而係得唔到至覺得最珍貴! 又或者初戀係珍貴掛!

曾經有人同我講過"痴心情長劍"唔興架啦! 放手啦!
以前我會答: 講咁易呀! 我夠想囉! 你估我唔辛苦!

但今時今日我知, 佢未必係我最愛, 亦都唔係無人可以取代佢位置! 而係我未正式去出讓位置比人! 所以佢係自己心裏的位置仍然留住!

你要將呢個位繼續留住比一個永遠唔會入座的人! 無人可以幫到你! 試問有邊個夠膽坐係一個寫住留座的位度! 當你開始另一段感情的時候! 你會發現你現時所做的係好傻!

不過年青人就有呢樣好! 有的係青春! 可以浪費得起! 但唔好似我咁浪費成十年! 比個時間自己, 享受下失戀的感覺! 因為第一次失戀係值得難忘! 好好享受下呢種感覺! 因為可一不可再!
當第二次失戀會無第一次咁深刻! 而且好快復原! 定個時間比自已, 決定幾時從新上路! 唔好再用一個假人同佢聯絡! 男人做事光明正大D! 朋友可以繼續做! 但唔好刻意將女朋友的位置放著留座的牌! 有時刻意令自己化做受傷害的一個, 女仔仲未必會受!
係佢面前成熟D! 只要你願意放手, 你同佢聯絡的時候就會有話題! 否則只係死局一個!

需要的話msn我 : [email protected]

2009-08-12 14:17:22 補充：
答 :
我認每個人對住自己鍾意的人都會做傻事! 但唔代表係蠢事!
有回報, 而且浪漫的傻事! 唔怕做, 我支持你!
但無回報而且令自己辛苦的蠢事就無必要做!
成熟一D係意思係叫你長大, 唔好再比舊時的事而拖住自己,
你唔放底, 無人幫到你!
有一個故仔:

2009-08-12 14:17:44 補充：
“從前有兩個和尚在河邊遇到一個女人，老和尚幫助女人，背她過河。小和尚很吃驚：男女授受不親，老和尚怎麼可以背女人呢？他想問，又不敢問。等到了對岸，老和尚把女人放了下來。小和尚還是很疑惑，又走了十多裡地，他終于忍不住問了。你猜老和尚怎麼回答的？”

“老和尚說，我只是背著她過河，可是你已經背著她走了十多裡地。”

你多一秒唔放底,, 你就行多左一秒的路! 辛苦果個會係你自己!

2009-08-12 14:17:50 補充：
仲有你唔係要面對佢, 你係要面對自己! 你的生存唔係為佢, 係為你自己!

如果佢係愛你, 你為佢做咩我都會支持! 但如果佢已經唔再愛你的話! 你做咩都係多餘! 已經係無意思! 好老實好想同你傾電話! 我好似見返以前的自己! 我唔想你好以我咁經歷一段浪費自己的時間!

2009-08-14 17:58:45 補充：
你現時覺得痛係因為你仲在乎, 但呢段感情去到呢個時候只係得返你一個在乎咋! 係你前女朋友的心裏面已經無留位置比你的時候, 你現所做的唔係多餘左D咩! 咁你認為算唔算蠢!

辛苦的只係你自己! 你一日唔行出去, 你一日都會痛, 其他你身邊的人都幫唔到你, 因為佢地都接近唔到你! 當你願意去接觸其他人擴闊生活圈子, 好自然你會出現其他感情, 以現時你仍留戀的會好快可以淡忘!

醫治失戀的傷痛最好的方法係開始另一段感情!

2009-08-15 12:48:29 補充：
當然唔一定係拍拖，但你都需要比自己接觸多d人，仲要每一段感情都會令你學識點去戀愛，如果你係呢次愛情學唔識點去拍拖，點去關心人，點去照顧人，但如果咩都學唔到，呢次的拍拖係浪費左你的時間！關始另一個愛情，就需要吸取之前的教訓！

仲有感情可以好多種！未必係男女關係！好朋友都可以！開始另一段感情，唔代表你去開始另一段愛情！多d去關心下你身邊的其他人，將時間同資源投放係值得的人身上！漸漸你會發現你開始忙記佢！

（我會記得online,　總之有咩可以同我講！）

2009-08-15 13:01:26 補充：
仲有邊個係你，多左人add我！我唔知邊係你！sorry!

你add我la
[email protected]

做男仔更係要主動D啦!一於同佢講表明身份，紙包唔住火，佢遲早都會知，同佢講話你仲好鐘意佢，我之前激"樓"左我鐘意既女仔，我最後都同佢講左sorry，祝你成功!

你忘記唔到係正常咖,始終有感情,我都同我男朋友分開左兩個多月,到而家仲未忘記到,而且偶然想起往事會喊,但我相信時間可以沖淡痛苦,如果你女朋友已經諗住搵另一個伴侶,咁你快啲放棄,搵另一個......如果你想搵人聽你既心事或傾計,你可以send信息俾我^^"因為我都痛苦中,但我相信始早可以走出陰霾[email protected]

2009-08-07 10:29:58 補充：
哩個係我電郵

2009-08-07 10:33:36 補充：
我好同意HK既說話,我都係女仔,我唔會同一個個心有另一個人存在既男人一齊,咁樣只會令大家都唔開心

嘩！你和我愛情煩惱差不多一樣呀！

之前我收到她電話，本來很高興的，但通電話時，她在旅行車哭得很傷心，再加上她「火藥味」非常重，他最伯女仔向我哭的，我的心一定很難過，他都會一齊哭的，通話完後，我心情三百六度轉變，我淚水流出來了，所以她的同學感覺我經欺騙別人感情的「懷男仔」，對這位她用假感情。
現在我在Facebook都找不倒她她啦！
如果想仔細一些，在FACEBOOK列為朋友，本人FACEBOOK名字是＜李忠民＞

[email protected]

分手後仍然想念佢,,
想知道佢做緊咩,,有冇想念自己,,係米仲喜歡自己,,有冇同異性玩得好近,,會唔會喜歡了其他人.....甚至忘了自己.....

首先,,身為女仔,,我勁討厭你用別的身份去騙人,,不要用關心及想她的原因,,騙到佢但騙唔到自己嫁..遲早你都要面對現實嫁!

係文章中,,我睇得出你係愛佢,,很愛佢.......可惜佢話對你冇愛的這地步,,你就拿出男仔的勇氣,,再同佢講,,[我愛你],,如果佢一點兒反應也沒有,,對不起,,你哋再冇可能,,將來..

我的 msn : [email protected]

希望我可以幫到你,,不要傷心下去了 !!

我慢慢同你傾,msn:[email protected]

我明白你既想法，你可以用另一個ac去繼續知道佢既近況，就好像另一個人同佢傾計，佢想約你，就就繼續拒絕，當然，這段感情已經斷了，由你們分手的一刻就斷了，我也有這樣的感情，但感情斷了，就如同分了界線，她的世界沒有你，你只能用另一個身份(亦都已經唔錯啦)去保護佢囉！但系你系佢心目中，已經沒有存在了！

2009-08-10 01:05:31 補充：
剛睇左你既留言，首先好多謝你都有同我咁既想法，因為愛一個人，不代表擁有一個人，，所以在遠處保護她，也是一種緣份。
你要有心理上的準備，佢可能會同你講佢將會或已經有男朋友，這件事是會發生的，但只能作出恭喜她，並祝褔她的準備。
每個人的復完期都不同，那時間亦會有長有短，有的三四年，有的可能一覺之後，所以沒有一種可以作準的！

2009-08-12 09:29:57 補充：
算啦，放鬆心情，我亦試過這樣的經歷，發覺現今社會，男的比女的專一，可能時代改變了，以前的，女為男要生要死，到現在，女的反而容易接受改變，可能是社會的地位改變了，你有聽過女性地位抬頭嗎？就是這個道理，迟d可以男的在家煮飯呢！

你做嘅野其實一d都唔傻，只係你對佢嘅愛意仍未散姐.......
不過我覺得你首先要明白一樣野，就係唔係每段戀情都係禁順理嘅......
我覺得你應該視今次嘅失敗為學習，下次再做好d......
同埋我覺得如果你真係要忘記佢，你就唔應該以另一個身分去同佢交往。
錦只會令你更加唔開心。
首先我覺得你要做嘅就係盡量唔好再成日睇佢有冇on msn 或者 on fb......
第二你要知道，你愛一個人未必要同佢一齊，而係希望佢開心......
如果佢認為同你一齊係唔開心嘅，你應該放手去俾佢過佢認為開心嘅日子。
香港禁多女仔，唔係淨係得佢一個咖嘛......
我並唔係鼓勵你去搵代替品，而係叫你去忘記佢，當你真係徹底忘記，再去搵一個更好嘅。
如果你希望再見亦是朋友嘅，你可以大方d同佢傾下計咖!
希望我嘅建議幫倒你啦!