急~冰皮月餅個皮點整+不同餡料?![整完都好硬]]

[匿名]

2009-08-06 3:22 am

如果整比五個人食..皮既份量係幾多!?

麵粉(熟)*110克　
糕粉/熟糯米粉 190克
菜油 4大匙
鮮奶 1 - 1 1/4杯
幼砂糖/糖粉 1/2杯
麵粉、糕粉和砂糖混合篩勻，加入生油拌勻，再慢慢加入鮮奶搓成粉團。放入雪櫃約1小時。
係咁樣整嗎?!

熟既麵粉係點樣整?!係咪要用油炒?!
而糕粉..係咪用油炒?!

吾該答下我...感激~

更新1:

上面修正.. 菜油 4大匙改做生油我想問下澄麵係邊度買!? 雜貨店同超級市場有得買嗎?!

回答 (1)

小B豬

2009-08-07 3:06 am

✔ 最佳答案

將糯米粉用白鑊炒熟就係糕粉喇，點先叫熟呢？！炒到咁上下會聞到有味架，跟住仲會有微黃色，咁就熟架喇。
咩叫白鑊？即係隻鑊唔可以有水同油囉，如果係用易潔鑊，記住唔洗燒熱隻鑊架！

冰皮：糯米粉 20g 粘米粉 20g 麵粉 10g 砂糖 20g 煉奶 40g 牛奶 90g 油 15g 雲呢拿香油 1/2茶匙

1. 先將所有粉類及砂糖混合； 2. 在大碗內將油、煉奶及牛奶混合，加入 (1) 拌勻； 3. 將 (2) 倒入平碟內，以大火蒸 20 – 30 分鐘； 4. 蒸熟後先放涼，加入雲呢拿香油然後將麵糰搓滑。 * 搓時不用好像搓麵包的手勢，只要不斷用權頭按下即可。 ** 未能即時用的話，要先放入雪櫃，用時搓軟即可用。

呢個份量係迷你版, 如做5人份量x5便可

👍 0 👎 0