問最快到達路線及車程

唔應搭垃圾地鐵,超慢,垃圾地鐵網上話咩57分鐘到,根本無可能,57分鐘去尖沙咀都唔知得唔得呀!搭垃圾地鐵由兆康去九龍灣要90分鐘先到
另外去尖沙咀轉車,唔應該搭63x,應該行到紅橋搭260x,63x班次又疏,又慢,最起馬63x經哂成條長沙灣道同彌敦道,同埋咁轉車都唔快得去邊

好了,講番正題,由兆康去機電工程署總部最快係點呢?
方法1:沿青路行到青松觀路,轉左行到震寰路,轉右行多少少到大興體育館巴士站搭258d到九龍灣鐵路站巴士站下車向車頭行到行人天橋,經行人天橋到九龍灣鐵路站,再到C出口出到德福廣場1期,之後再出番去,到德福廣場2期隔離的行人通道,沿行人通道行到樓梯,落番去,經行人天橋過偉業街對面,落去後向車頭行啟祥道,轉左行,行到第2個街口,叫宏光道,轉右,過對面,再轉左,過對面,再向前行到啟成街,轉右行到貨運道,轉左行多少少就到了
收費:$14.7
行車時間(#是大約等車時間,%是大約行路時間):#13+47+%15=75分鐘

方法2(只適用於非繁忙時間):沿青山公路行到杯渡路,過對面,轉右行到屯門鄉事會路,轉左行到屯門市中心總站搭259d到九龍灣鐵路站巴士站下車,再用方法1的方法行過去就得
收費:$14.7
行車時間:13+42+%20=75分鐘

當然,如果等到車的話就會仲快

另外,觀塘繞道底的啟祥道係過唔到對面的,所以展貿徑唔可以直接去啟成街,我就未行過,不過我經常搭297經嗰度,嗰度無交通燈的,都無行人過路線,所以行唔到過去

乜鬼呀?63X?

先搭63X巴士...$13.7...約40分鐘車程...15-25分鐘一班...

在藍地站/虎地往九龍方向...

到<<<加士居道>>>站下車...

下車後過馬路到ICAC...右轉向行車天橋底行過去...

轉乘13X巴士...$6.5...約20多分鐘車程...11-16分鐘一班...

到<<<啟成街>>>站下車...

便是機電工程署總部了...

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

如乘地鐵...

未計轉車/等車都要57分鐘...

去到九龍灣地鐵站後...

由A出口上去德福廣場...

出平台過了金舖後...

到了OK左轉直行到恆生中心乘搭SHUTTLE到九展...

下車後...再過天橋到對面便到...


圖片參考：http://dsbv7w.bay.livefilestore.com/y1pfjVtQXWVd2iJn2H_o4FuAQeFSz78rCcCxF2bpWqdMcEwnLiq0t1J_lQA4pLo-MpLJhNysjof2ytzD61Y_aWskg/HITEC_ShuttlePt.JPG


圖片參考：http://dsbv7w.bay.livefilestore.com/y1pimMjdODyD7VoUcfkJuiAixpbvmhwHANXoWRYCVsOfhpSkLdlHhB90dR0PV1p9OiHOicXAE-_grW_i3LekiYSTE7f6Kng9UmN/HITEC_EMD.JPG