大家會點對失業既家人?

好長....希望大家當比我呻下. 或者大家如果有差唔多既經驗. 係點解決...

本人30歲了. 大學畢業. 做開 sales & marketing....失業了半年

但半年來都比屋企不斷咁鬧
老媽子成日都話我. 搵唔返本行. 咪轉行囉. 兼職都一定有架
又成日巢返以前d 野黎講.話一早叫我讀多個 part-time degree.可以轉行
根住仲要講 "係架啦. 人窮志短架啦"
(事綠係. 早幾日. 同二佬因事爭執. 打了一場大架. 我比佢打傷左...說來都慚愧. 都成30歲人. 仲咁樣... 老媽子就覺得我無野做. 所以被人打都係應該. 但成件事都唔係我聊起先. 亦唔係我動手先)

又話我以前成日轉工 (我做左6年幾野. 2年/2年/3月/1.5年/0.5年...)
唉....唔轉工時. 佢就年年話. 點解人地一畢業出黎. 就萬六七蚊. 您就咁低 (佢睇電視果d調查....) 睇下係咪要轉工
咁我就睇情況跳槽. 人工由第一份的8500. 到最後的15000......可惜金融海潚....
但依加佢又數返我轉頭

不斷巢以前既野講(連讀書時期都攞出黎鬧)....老豆係側邊就撥火
仲要話我....對父母不敬. 兄弟不和. 睇下您點做人 etc
講到再搵唔到野. 就掃我出街.自生自滅.
差在未叫我去.

當然. 冰封三尺. 未一日之寒. 之前都有爭吵.
老豆好自私既人.只顧自己. 加上曾有外遇.幾兄弟對佢都無好感.
而老媽子.由細到大. 都只顧大佬. 唔理我同二佬.
不過二佬份人就圓滑d. 但自己就硬頸d.

唉......乜野家支持. 互相鼓勵. 從來無發生過係我身上.
我咁多年黎.只希望佢地唔好潑我冷水. 唔好落井下石. 但情況不單無好轉. 仲不斷惡化..... 佢地一心情唔好.就搵我鬧黎出氣.

唉. 之前一直都比成7千蚊屋企. 話多唔多. 話少唔少. 但都唔係話要當狗當工人咁看待 (心情唔好就鬧我. 屋企有野要做.就一定叫我. 唔會叫d阿哥)

我依加無野望. 唯一希望自己能早d搵到野做. 即刻出去租屋/租房. 唔洗寄人籬下.

出去租屋/租房. 細單位. 都係2~4千左右...比完.我都仲有成3千元....點都好過比人當狗咁看待.

p.s. 琴日比佢鬧到爬街後. 真係諗過做傻事. 好彩同個朋友傾完後. 舒服返晒. 的起心肝. 去努力搵工.