我讀的是男校, 我自問都對人幾真架 la, 但係就沒有甚麼朋友. 以前我讀書成績比較好, 所以有時都會有 d 同學想來睬我, 但係多數都係問我功課的野, 又或者問我點樣温書. 最初我都沒有好收收埋埋, 佢地問我, 我大部分都會答番佢地. 但係有時當我唔識問番佢地的時候, 佢地有時就話唔識, 或者未做, 有d人仲串番我轉頭, 話我讀書咁叻, 問佢地野係咪有心想串佢地, 唔想幫我. 講真我幫人雖然唔係要求人地一定要幫番我轉頭, 但係對我的態度可唔可以唔好咁差啊. 當時, 我有時主動去對佢地打聲招呼, 佢地都會扮聽唔到, 得好少機會會應番我轉頭. 所以以前我就會覺得你地班忘恩負義, 過橋拆板的小人, 唔值得我對你地咁好. 所以後來佢地問我功課我有時都話未做, 或者話唔識做, 但係佢地班友仔竟然話我扮哂野. 我當時心想我唔係做慈善機構, 沒有這個義務一定要幫你, 就係太幫你地, 你地就敢玩野.所以由個時開始, 就開始沒有甚麼人睬我.
後來, 我成績沒有以前這麼好的時候( 以前都係全級頭十名), 佢地就更加唔想睬我, 更加想孤立我. 講真, 個時我都有留意下我班同學係點交友ge, 我發覺佢地就係成日鍾意嘻嘻哈哈, 講埋 d 爛 gag, 有時仲係到吹水, 講埋 d 無理頭的野.
所以我想問咁多位. 你地其實的交友心態係點樣架? 識朋友係為左解悶, 得閒就吹下水,掟係純粹想利用人, 掟係真係想認真識番個朋友架? 大家覺得我應該點面對我的情況啊 ? 要點做先可以識到多d 朋友, 唔通真係要同佢地打成一片 ? 我就來升大學 la, 真係唔想這個情況係大學持續落去.
可能篇幅會長左d, 希望大家比d 耐性睇 la. 希望大家可以幫下我, thank you very much!
更新1:
可唔可以特別講下你地 ge 交友方式? 同埋你地的交友心態 ? 之前答我那兩個朋友都可以再答我架 . thx.