緊急！我的頭部及身體皮膚出現很大問題(10分)

我在 7 月份在報章見到『強生』出咗隻藥性洗頭水，它說有效殺菌、去頭皮、止頭痕。於是我叫妹妹幫我買了一支來洗頭髮。誰知我落多咗分量藥性洗頭水，搞到頭部及身體皮膚嚴重損傷、脫皮、紅腫、傷口發炎同出血，要立刻入醫院看急症呢！
醫院急症室醫生開咗兩次抗生素、防敏感藥、塗皮膚發炎的藥膏，食咗止咗一陣但藥性過後又再復發！跟住看健康院同普通私家醫生（看普通傷風感冒），醫生開咗又是抗生素、防敏感藥、塗皮膚發炎的藥膏，不過食咗止咗一陣但藥性過後又再復發！
現在頭部皮膚狂落頭皮屑、非常頭痕疼痛，身體皮膚好像被蟻咬、被風扇或出街被風吹 / 食店排出的熱氣整到骨頭有刺痛、身體皮膚一時深色、一時紅腫敏感，搞到頭部及身體皮膚癢痛的時候，整晚無法入睡，精神情緒脾氣也欠佳呀！
醫院的醫生叫我十月份去覆診，但幾時等到十月呀？我想問皮膚科專科醫生在沙田、九龍區有沒有？不要介紹港島區。沙田、九龍區有沒有最好醫德的皮膚科專科醫生呢？收費診金連藥費大約幾多錢？預約係咪即時有得睇？
請各位有心人能夠詳細介紹最好醫德的皮膚科專科醫生呀！因我沒咁多錢睇醫生，想一次過醫番好，可以去找工作做啊（因我是失業的）！請詳細列明診所地址、電話及辦公時間。謝謝