的副作用或反應

我唔係對任何年齡既人有偏見，只係好奇想知，您媽媽入院時，佢個主診醫生係咪都幾後生既?
因為我真係深切體會薄血丸有幾”好”囉。
我媽上年試過缺血性腦中風，醫生開阿士匹靈俾佢食既。點知到今年三月我爸中風，仲要係好嚴重，半身不逐個隻。
佢住院期間一直都係食阿士匹靈，點知到佢臨出院前幾日，個醫生問佢有無考慮轉食薄血丸。
講真，鬼識有咩分別。　我媽惟有打俾我爸個識左幾廿年既醫生朋友問意見，個ｕｎｃｌｅ建議我地千其唔好俾我爸食薄血丸，佢講左幾個原因。 一.食薄血丸，每一百個人就有一個會爆血管，當然，uncle都講明哩d係大數除番開既數字，未必真係咁準一百個就有一個會爆血管，但點都無可能俾佢去搏囉；二.唔針炙得，因為好易瘀，而又好耐先散瘀；三. 深色既菜唔食得，中藥唔食得。
因為我地要帶我爸去針炙，當然唔會俾我爸食薄血丸。
點知佢出院後一星期左右心臟病發又入左院，哩次個醫生無問我地揀唔揀俾佢食薄血丸，就轉左俾佢食薄血丸。
當時醫生話我爸既情況，唔適合食阿士匹靈，只有食薄血丸先可以令佢唔再中風，係都唔肯轉番俾佢食阿士匹靈。
嘩，個個月真係心痛死我地，佢入院時打針既針口瘀左幾個星期都未散，哩d已經係薄血丸既副作用，仲要晚晚三四點話腰骨痛，痛到叫救命個隻。
跟住再去覆診，係一個年紀大d既醫生睇佢，個個醫生好詳細咁解釋我地知薄血丸有乜副作用，佢話痛症都係其中一種，佢都建議轉番阿士匹靈俾我爸食。
上兩星期去覆診，又係撞著個後生既醫生，一開聲就話食阿士匹靈根本對防止再中風無作用，又係咁話薄血丸先無副作用，但我地堅持要俾番我爸食阿士匹靈。
我地唔係唔知阿士匹靈多副作用，但問過幾個相熟既醫生，都唔建議我爸食。
我有個舅父係加拿大中左風，個邊d醫生都係開薄血丸俾佢食，我舅母淨係日日諗可以煮d咩俾我舅父食都已經夠佢頭痕，仲要千其唔可以俾佢流血，唔係好耐先止到血。
有一樣野您要記住，乜都問問問，病人有病人權益，係可以問清楚自己既病情，包括食緊既藥有乜副作用，係同類病情上除左食緊既藥之外，仲有得揀食其他藥，而其他既藥又有乜副作用。
您想知食薄血丸有咩野唔食得，其實醫院係有一d單張，簡單講解d藥，我拎過張薄血丸既黎睇，入面有寫咩食物係唔食得，薄血丸個張應該係橙色，一張ａ４紙摺埋三摺既，係內科入面會搵到。　我惟一記得既就係... ...菠菜一定唔食得。


　

抱歉，我不是要回答你的問題，只是剛巧我阿婆又是3月尾血管閉塞中風入了瑪嘉烈醫院一個月，出院只需食阿斯匹靈，7月中因中風后遺症羊癎再入院兩星期，出院不到3天，又因左腳深層靜脈血管栓塞又入院一星期，期間及出院后阿婆都要食華法林達半年，主疹醫生確實后生，她亦說針灸可能會令阿婆流血不止...
聽聞中風頭幾個月去針灸是最有效的，如果要待半年后停了華法林才去針灸，我都怕到時已過了黃金檔期了。
我阿婆是6月初才去仁濟醫院針灸的，真的明顯好好多，坐時不會歪向一邊，不再有幻覺，行幾步都好了些等，后來7月中羊癎再入院到現在都沒有再針灸了，阿婆條頸好似又無力，成日垂低，腳又無力行。
所以阿婆上星期出院后，我去仁濟醫院問針灸教授，他說在中國沒有話食華法林不可以針灸，病人都依然針灸，教授建議3個月后才去針灸，但我問教授那豈不會過了黃金檔期? 教授說那1個月后吧!
醫生亦有講過食華法林會有嚴重副作用 - - 胃出血及腸出血，我和家人都很擔心，但為了避免阿婆再次中風及血管又塞住，魚與熊掌，我們要作出選擇。
另外，那位網友說的華法林指引，我都是在瑪嘉烈藥房門口(K座地牢2樓)免費取的，紅色的，叫做"心臟科藥物 - 口服抗凝血藥 Warfarin 華法林"，它有講生活上及服藥要注意的事項及副作用等。
另外，在醫院未開始食華法林時(已食緊阿斯匹靈)，我阿婆腰側都有手掌那麼大的瘀傷，醫院給阿婆搽 "喜療妥"藥膏，幾天后便消瘀了。

無論高血壓或者膽固醇又好其實絕對可以解決，只要你明白一個道理其實都可以好快處理到，我就用冷氣機來做一個比譬，你買一部新冷氣機時一定又靜又涼又慳電，但當過得3年5年甚至10年，就算一部性能幾好嘅冷氣機都一定會有雜音、唔夠涼嘅情形出現，呢個係正常現象，係咪？係呢個時候你會考慮將部冷氣機清洗一下，當洗完之後，你發覺又會回復又靜又涼了．其實人身體都一樣，當你生存在呢個世間上，每日不經不覺吸取了一些有害物質入體內，而又無法排走，日子耐咗都一樣會有問題，呢點你明白嗎？所以中醫才會有：『積毒為病、扶正驅邪』這些論據．所以如果你明白呢點，你必須要先解決根源問題，就是要先將體內的毒素排走，等毒素排走後，身體內的細胞才有時間可以進行修復，咁樣至會有健康嘅身體．呢D都係我一個朋友教識我架，我呢個朋友認識好多外國嘅醫生同埋研究營養學嘅專家，所以亦幫過好多人得到健康同埋對疾病有唔少認識．我經過呢位朋友認識咗一個9日排毒療程，如果你明白箇中道理，你應該建議你媽媽以先排毒後修補呢個原理來處理而家嘅狀況，因為一日毒素排唔走，你就算入幾多營養都係無用，你明白嗎？你可以同你媽媽一齊嚟同我朋友傾下，了解一下箇中理念，了解後再選擇一個合適而又正確的辦法來處理．有興趣就聯絡[email protected]

你好
我是藥劑師
看看能否幫助到你

以下是網上的資料
很詳盡而且是中文的
希望你看後有疑問再提出

http://www.cpahp.org.cn/brjy/news/200606/889.htm