初學去自由行，去邊好?

我都讚成你先去亞洲國家， 你可以到旅遊網站， 睇下人地嘅遊記， 然後選定地點， 再編行程， 即係去完邊度再去邊度， 譬如香港， 你可以上山頂， 然後落赤柱咁， 搜尋交通工具， 訂酒店（有 D航空公司或旅行社有 Package, 即係機票連酒店）。我通常都列一張表， 小標題是： 交通（包括航空， 陸地同水上）， 酒店， 景點， 美食， 娛樂同購物。 然後上網或買旅遊書， 搜集各個標題嘅資料， 再揀選自己喜歡嘅， 編好行程， 就可出發，到你一步一步咁實現你嘅編排時， 個種滿足感， 係好難形容嘅。同時你在收集資料時， 亦可以知道當地嘅歷史， 傳說， 故事， 會有好大嘅收獲。
而家我介紹幾個旅遊網站俾你， 可以參攷， 有問題亦可在那裏問， 因為旅遊網嘅人都係好真心幫人嘅，佢地亦會提點你安全問題。
我去日本， 歐洲， 北美， 南美自遊行都係在這幾個網找到資料。
http://www.backpackers.com.tw/forum/portal.php
http://travellife.org/forum/index.php
http://www.go2eu.com/bbs/index.php
http://www.ec2japan.com/phpBB2/viewtopic.php?f=11&t=1956
http://www.ec2japan.com/phpBB2/viewtopic.php?f=11&t=1955
請看前三個旅遊網站的導覽，特別係論壇部份， 有很多實用的遊記可供參考
第一個就係全世界最多華人上嘅背包客棧， 第二個係香港人嘅， 第三個係國內在歐洲嘅留學生開嘅， 第四，五個係日本關東， 關西旅遊。
在你買機票時， 可能會遇到黑店， 最近 Yahoo 有人被騙， 騙術係時時都一樣， 我亦post 俾你睇。
http://hk.knowledge.yahoo.com/question/question?qid=7009072600959
祝你成功加入自遊行友之列， 我而家準備緊去埃及！

近近地去住澳門試下先喇!
行程:
DAY 1: 早上抵達澳門後, 你可以在碼頭搭新福利3號, 3號A巴士或澳巴10號線去議事亭前地, 然後步行前往大三巴牌坊. 再行上少少就會見到澳門大炮台+澳門博物館(博物館逢星期一休館). 之後可以在大三巴再步行5分鐘去聖安多尼教堂及白鴿巢公園. (當你落完大三巴前面的樓梯, 面向大三巴牌坊時, 你的左手面有一條路仔, 沿路仔行5分鐘便到聖安多尼教堂及白鴿巢公園, 果條路仔有好多古董賣的). 中午可以在議事亭前地中央郵局附近的黃枝記食LUNCH, 主要係食中式粥類及粉麵. 下午可以到福隆新街睇下一些特色的街道(福隆新街在議事亭中央郵局對面的澳門民政總署旁邊的橫街入去, 整條街的門窗都係油上紅色的油漆), 然後在新馬路搭澳巴10號線, 在總站落車便到達媽閣廟及海事博物館. 之後可以去附近的主教山小堂. 傍晚可以落一落去位於新口岸的觀音像及宋玉生公園參觀. 晚上可以去漁人碼頭玩及到附近的新八佰伴SHOPPING, 新八佰伴頂樓有美食廣場, 你可以在那裡食晚餐. 如果你有興趣睇賽狗的話, 晚餐後可以在新馬路搭巴士去拱北, 在紅街市附近下車然後行一段路去逸園賽狗場, 入賽狗場只須10元的入場費, 憑入場券可投注一次. 賽狗場門口有好多大排檔的, 之後順道去埋賽狗場附近的三盞燈睇特色街燈.
DAY2: 早上可以去盧廉若公園及二龍喉公園舒展一下筋骨. 二龍喉公園係有纜車上松山燈塔的. 燈塔旁邊有一間聖母雪地殿聖堂, 始建於1626年. 之後可以搭車前往氹仔, 你可以在氹仔的益隆炮竹廠下車, 到龍環葡韻睇萄國的特色住宅(此處是澳門八景之一), 整座building富有萄國的色彩以及用粉綠&白色為主色. 如果想入埋屋睇的話, 最好是在星期日及5時前去到. 因為在出面睇座building係唔駛$$, 入屋參觀要比入場費, 而星期日入屋參觀是免費的. 中午由官也街行大約10分鐘便可以去到富有中國色彩的花城公園遊覽+食Lunch, Lunch後去四面佛. 下午茶可以去大利來記食馳名的豬扒包及絲襪奶茶, 不過最好要在3:00pm前霸定位, 因為大利來記每日3:00pm會有新鮮的豬扒包出爐, 到時會有好多人去食, 遲D去的話就會賣完無得食架啦! 之後去返官也街買手信, 你亦都可以去官也街9號A的莫義記品嚐特色的三色大菜榚, 如果沒有記錯的話, 應該6-7元就有交易(營業時間至晚上七時半). 晚上可以去附近的熊貓餐廳食地道的萄國菜及去威尼斯人渡假村. 請緊記要預鬆D時間由氹仔出返碼頭, 因為預左會有少少塞車.
DAY3: 早上可以去路環的黑沙灣OR竹灣等海灘踏下水, 之後可以去路環西部的石排灣郊野公園行下山及去郊野公園內的土地暨自然博物館. 中午出返去路環市區的聖方濟各教堂, 教堂前有一個具葡萄牙傳統風格的廣場, 廣場兩旁設有餐廳和咖啡廳可以食Lunch. 另外, 還有一座紀念碑, 紀念路環市民在1910年戰勝海盜的事跡.

如果你錢唔太多 , 又想試下自由行 , 近近地去下澳門橫掂你未去過旅行 , 學下點訂酒店 , 船票 , 過關 !!

不知你的性别，既然冇乜自信，應從亞洲國家開始。
推介(順次) (包括交通，食物，住宿，語言)
1.新加坡 (安全度 -我的評分) 95
2. 台灣 90
3. 中國 (部份地區) 70
4. 日本 95
5. 南韓 85