香港人到日本留學難識朋友嗎? 請問日本留過學朋友

imlinkinpark13

你好！

點解你話你唔係去日本讀日文呢？通常留學生都會先入日本語學校，再投考專門學校或大學。你的日文程度如何？已經超越2級？聽力和會話都非常好？

『我知道日本人睇唔起中國人(包括香港人)』？？點解你會有咁ge睇法？你有過不愉快的經驗還是聽番黎？香港人都一樣有種族歧視，我地對菲律賓人、印尼人、南亞裔人、印度人甚至祖國的同胞大陸人，其實歧視之所以產生，皆因該國或那個人本身唔爭氣。包括他/她的國力、個人能力與涵養等。舉個極端的例子：你有無見過李小龍被某些國家的人睇唔起？同樣，有能力有成就對社會有貢獻的人，那有被人歧視之事。

日本人是很怕事的，所以絕大部份的日本人都不會主動走來認識你，如果你要以中國人的身份，以前是很難的，近年已獲得改善。因為中國已經富強起來。但你可以主動去認識他們，例如去打工，參加與日本人作文化交流的活動等。說到最後，你應該緊記，只要你埋頭苦幹有些成就——一個留學生的成就不外乎行為檢點，有禮謙後，成績優秀而已。『香港人』這個仍算是金漆招牌你大可掛在額前，不過記住：前人給日本人留下非常好的印象，所以你亦要盡力保住這個金漆招牌。只要你入到政府大學，所有日本人對你都另眼相看。點會有人睇你唔起？

我唔識回應你『避忌』這個問題。避忌 D乜野？

基本上日本的傳統文化大部份由中國傳入，而潮流文化又深受香港人歡迎，你都喜歡日本，是嗎？所以差別是有，但傳統的你已認識，新鮮的你又全部受落，所以根本不存在很多或很大的問題。至於溝通方面，如果你日文渣，日本人英文差，當然溝通唔到，但這個問題隨著你日文一日比一日精通，相信餘下的只剩個人心態，睇你是否肯放開成見，開懷投入日本人的社會。

去日本讀書是要用護照的，跟番你護照個名就得勒，無需改日本名。要改都無妨，個人喜好。

不如你去聽多 D講座，對日本留學有正面的了解，便不再產生這些疑慮。建議你去聽 8月8日星期六由東京國際大學付屬日本語學校舉辦的『日本升學說明會』，知多 D，不再疑惑。時間下午二時半，要打電話去 2384 – 3205留位。

1)日本人會主動認識中國人嗎?
睇人而定, 有d日本人都會想識一d外國人做朋友, 但係唔係咁多. 始終溝通問題係一個障礙. 如果你係個靚女, 會主動認識你既人會多d. (現實就係咁)

2)日本人會否對中國人避忌?
基本上冇. 都係溝通既問題. 有少部份日本人會對中國歷史文化有興趣, 特別是三國志. 大部份人對中國人都冇抗拒, 亦冇好感.

3)日本文化同香港文化會否差別很大,很難同日本人溝通？
我覺得香港同日本文化差唔多. 可能我是一個比較保守既人, 去到日本最唔慣既係日本人(不論是男是女)太過開放既態度.

需唔需要改個日本名?
隨你喜歡, 可以唔需要. 老師多數會叫你個姓+さん. 同學多數會叫名, 我會請佢地叫我英文名.

本人上年在日本讀了一年日文

你口中(心中)的日本人,本人不能完全認同

到了日本只是代表你接觸日本人的機會比香港多.

與其等日本人"溝通"你/妳,不如自己主動找機會

因為學校只有韓國,台灣,香港人 90%以上的學生都只會同自己的族類一齊. 不主動的話 = 係香港冇分別