新手養咩龜好

養珍珠龜,草龜,巴西龜都唔錯,而我就養緊巴西龜。
我認為巴西龜最好養,生命力強,耐餓,活潑,又易養,價錢都幾平。
d人話養龜臭,我自己養開,唔多覺臭,佢地游水同曬太陽時候個樣好得意,我介紹你養這種龜。
既然你係新手,教埋你點養:
1. 買幾大個缸就要視孚佢有幾大隻啦,所以要過一段時間就要換缸。
缸方面我建議你用膠缸,因為夠經濟又實濟。glass個隻就易碎,又貴,唔建議。我認為AA牌幾好用,困為個缸底夠闊。如果你買其他牌子,好多時個缸口會好闊,但係個缸底就又窄又細。


2.不過d龜仔第一日來到新屋企會唔習慣。所以會唔敢放膽出來食野,熟左之後就會好好胃口。
如果要買糧佢食呢,我唔推介你買活糧。
活糧好可能唔乾淨,你又唔知邊度來源。第二,「煩」活糧一定要洗既,而且用餵活糧隻龜,會好快食曬,成日要買,總會令水質無咁乾淨。


我建議你用乾糧,我用開條狀個隻,都幾好用,龜龜食開,成日「發盟陣」要我俾佢食(即係成日向我個方向衝,要我俾野佢食),看得出佢好鍾意食,個牌子既名係"Nutrafin max"(條狀,有齊唔同營養)。乾糧因為係乾既無咁易細菌滋生。唔洗好似活糧咁要洗乾淨,唔會好快食曬,唔洗成日去買,咁未經濟一點囉!
一日餵食一次,要看佢幾大隻而增加餵食量。要度佢既背既長度,由佢既尾巴度到頭,如果佢係3cm長,每次俾1-2粒就ok啦。4-5cm,俾3-4粒。6-8cm俾4-6粒, 9-10cm,俾6-8粒。11-15cm,俾9-11粒。16-20cm,俾12-15粒。


3.因為龜係冷血動物,唔可以成日沈係d水度,所以一定要曬太陽,來提升體温,曬太陽仲可以提升免疫力,唔係會有軟殼問題,所以「一定要曬太陽!!!!!」,要有一個「岸」俾佢休息同曬太陽。所以你最好將個缸放係window邊。


你可以用海棉,浮石或沈水的石。
(A)浮石第一,易洗,第二,因為浮石因為係浮係水面,所以會乾爽一d,龜仔曬太陽會鍾意一d。而且因為浮係水面,所以水底下面的空間就會大好多,雖然係貴過海綿,但係十幾紋一舊,而且長遠來講,都唔算話好貴。
(B)沈水的石,易洗,但係水低d空間會細d。唔好用出邊拾返來的石,因為超唔乾淨。而沈水的石既價錢同浮石差唔多。
(C)海綿較便宜,第二,可自定形狀,但係因為沈係水度,又吸水,好濕,而龜仔曬太陽就為乾爽,温暖,咁佢就無咁鍾意啦。仲有,水底下既空間就細好多啦。


4.水既高度就係,佢個背既厚度,再加 1.5- 2.0 cm,總至就係佢可以伸到個頭出來呼吸就得啦。


5.換水方面,每3日就換一次。因為d龜仔成日拉屎,所以d水好快就濁曬


6.仲要每星期,幫佢擦背(用牙刷)因為d微生物寄生係佢既背度,對佢唔好。


7.到冬眠多數都會睡幾個月,大部分龜係在冬至既時候就開始睡,但唔知點解,我隻龜唔冬眠(可能因為我住個度唔多凍)。你可以唔用暖管和燈 ,只要你放缸既位置,陽光夠充足就得啦。我自己都係一直咁樣養開,一直都無咩問題。


冬眠個陣時佢活動會減慢。龜冬眠個方面,其實最好既保暖工具係天然陽光。所以我再次強調要將個缸放係有陽光既地方!!!
不過,如果天氣真係非常非常冬的話(低過10度),又加上長達幾日都係咁冬,甚至幾個星期無陽光的話,就當然要用燈照住啦!(只係日頭照佢幾粒鐘)


到冬眠就唔好餵佢野食啦(因為訓緊覺),多數d龜仔會係冬眠之前食好多野來儲存能量,所以係個陣時最好就餵多一兩粒啦!

還有,佢冬眠既時候最好不要搞佢,咁樣會阻住佢訓覺,佢唔鍾意架!!!
P.S:如果你隻龜唔冬眠,你可以照常餵佢野食。
8. 如果龜仔病左的話,在夏天時,多數會成日訓覺,完全唔肯動,你可以用「龜康寶」,大部分水族鋪都有得買,我認為都幾好用。我隻龜龜病左都係靠呢隻藥好返。
不過我都係建議你現在買定先好,可作防預之用。
9.如果你隻龜有重病,自己用藥醫都唔得,你就要去睇獸醫了!