請你地幫幫忙..係佢問題定我問題!!!!!!!!!

我女朋友可能本身屋企同人相處冇咩禮貌...但黎到我屋企叫佢禮貌d佢就做唔到...
每一次同佢講親呢樣野佢總係諸多藉口...搞到每次到同佢吵交~~
例如之前...佢黎到我屋企見到我爸媽唔叫人..點下頭算...見到我呀妹佢地又唔理..當透明咁...
我叫佢叫下人姐...佢就話咩以前好憎佢呀姨..習慣左唔叫人..所以唔肯叫~...咩人黎嫁~~呢d都係冇禮貌既理由咩..唔理之前點..總之去到人地屋企就要叫人啦....~~佢仲話以後唔黎
後尾搞左好耐佢肯叫..但都要我每次提佢...頂...因為我唔提佢佢又唔記得...咁大個人..成廿歲仲要好似個細路咁~~

呢排黎我屋企..有時見我呀媽聊佢講野..佢一句終兩句止...哦..嗯...係...
我叫佢講多d係咪會死先...佢又話咩自己諗唔到野...同佢有代溝..又話人地問果d問題冇用..答唔到...(問你今日唔洗返工咩 , 係咪一星期都要返好多日嫁 )佢剩係答係..跟住自己食飯睇電視~~
平時又鬼死咁多野講咁8..而家叫你講多句都唔得~~仲講到自己好有道理咁...~
去人地屋企食飯叫佢叫人食飯...呢d係好機本既禮貌..佢又唔肯叫...屌~~我同呀妹佢地個個都有..竟然得佢冇..~shit..~
前排佢黎我屋企後我地兩個落街飲茶...我呀媽已經私下同我講左唔去..叫佢去果陣係咁意問我呀媽去唔去...佢又唔肯..佢話自己唔想同佢地飲..驚問左佢地會落去...同埋又話唔需要問...佢為左自己...連禮貌下都唔肯..有冇搞錯~~

最衰既係當我同佢講呢d問題..佢完全話自己冇問題..一d錯都冇..搵哂勁多理由黎推翻我~
仲話我講得嚴重左..唔信我..要親自去問我地屋企人證實下係咪真係有問題...
大佬呀..我呀媽又唔係同佢好熟...點會對住佢講哂佢d問題出黎呀..仲有..要去到親自問人地同人地對質..咁咪搞到成件事薑哂囉~~
到時咪大家都唔好意思囉...但佢死都話要問先肯改...

唉...我忍左佢好耐啦~~佢呢d咁既態度~~
但佢真係對我好好..好似真係老公咁...如果唔係呢樣野我一早同佢散左啦..~
最後...你地覺得係我既要求有問題..定係佢有問題~~!!!!我真係好嬲!!!點解佢寧願搵一大堆理由黎掩飾佢冇禮貌..都唔肯有禮貌小小~~