我想頂一間樓上既酒吧黎做,但由於冇咩經驗!?

承頂飲食舖需留意舖頭有冇違例建築。因為2006年開始屋宇署推行食肆零"簽"建計劃。任何新申請及轉名之食肆均需要附合屋宇署相關之規定。建議你頂左之後搵認可人士幫你睇睇。

1. 如果持有飲食牌照申請轉名只需向食環署地區辦事處提交食肆轉名表格即可。如果持有會社牌照則向民政事務總署提交轉名申請。如果同時持有酒牌的話，可以向酒牌局提交申請。

2. 只要你持有飲食牌照，原則上你可以於任何時間經營，甚至24小時營業亦可。但需要留意，酒牌上有可能會就時間上作出限制，例如限制只可於晚上7時至12時賣酒的話，其他時間就算營業亦不可以賣酒。

3. 可以找相熟地產經紀介紹。

4. 如果你有客源，我覺得而家確係一個創業好時機，因為租金平，入貨價錢亦不高。不過現今港人消費意欲不高，要留意對象係咩人，選擇地方亦需小心。

大致上係咁，希望可以幫到你啦。