鋼琴考試問題,, 請入

1) Yes, if possible play it as fast as you can, but of course must be accurate, otherwise at least the speed that stated on the book.

2) 'slow practise' until you can have a better control. Before you start playing find out where to stop first, especially the top most note.

3) Maybe not, Grade 8 pieces are well-known music, the examiner know them very well and sort of having an expectation how they supposed to sound. A bit slower yes because you are student not CD, but not twice as slow.

This is how I teach my students too and it works. Good luck.

1.cales , 去到呢個級數, 你唔駛超過佢要求果個速度

2.用拍子機

3. 唔得 慢少少可以 但慢很多就不

scales去到呢個級數駛唔駛彈得超過要求既速度——
我係睇嗮你所有既問題先至分析，照甘睇我認爲可能你未必需要彈得甘快（快過要求既速度）。
scale既速度雖然有所限制，當然快過要求自然係好，但所謂“快過要求既速度”——應該係保證唔會出錯既情況下彈快，需要練習達到相當的水準，否則就應該量力而為。試想下如果彈得快但係每條都有音準、音質問題，或者錯音，甘快來何用？“快”既目的就係想攞高分，如果因爲追求速度而錯嗮又邊有高分可攞呢？



chromatic scales in minor thirds彈到d音抄埋一碟咁，冇一題彈得完全啱!——
兩個字——慢練，“行好左再走”。過分追求速度只會越練越衰越無信心，寧可慢少少，對齊雙手每一個音，照返一樣既頻率彈出每一個音，待彈熟之後一起加快。尤其越接近考試，就算有好多錯越唔可以心急貪快。如果你有耐心及專心，一個星期已經可以由完全唔識練到中速而無錯音。

scales成日都唔能夠響彈完4個8度之後要完果個音度完... 數住每4個音一拍又數唔切...點先可以彈得流暢?——
“用腦”練琴。考官講左個調比你聼或者你自己選擇左個調，但係彈彈下就唔記得自己彈緊咩調，只係度做機械式手指運動，連邊個音係tonic都唔知（最高音最低音都唔知），豈不是好怪。“數音”並非係一個好方法，當你彈快時，“數”根本來唔切，只會令你做多樣嘢分心，唔會幫你反而會添亂。用腦記住個key，隨時腦海都要清醒地有個個音，呢個係唯一既方法，無得投機。仲有甘樣都代表你都未練熟，考scales僅僅識d音係唔得架。

彈pieces速度比要求慢2倍, 得唔得架?? 咁如果只係慢少少呢?——
無話彈幾慢唔得架，只不過係達未達到要求，分數高低，會唔會合格既問題。如果真係只係慢少少，allegro non assai彈到allegretto，andantino彈到andante，就返你既練習程度，如果你彈得好流暢、無錯無斷既話，都可以pass架。但係如果慢兩倍，allegro彈到adagio或者lento就無可能合格la，首先首歌既整體感覺已經產生變化，可能好活躍既變左死氣沉沉既，好動感既變左好抒情既，成個演奏風格都唔同左；其次既然譜上要求左個速度，緊係適宜首歌並且係個級數需要達到既水準，點可以一降降兩倍甘多，甘唔係擺明話比考官知你未有個級既程度咯。當然你要彈快，都要練啱左諸如音同節奏呢d基本嘢先，呢個係必經既過程。
唔知你幾月考試呢？你既老師有無比你d意見係關於上述問題架？我想應該佢既分析都係大致如此吧。你最好聼下你既老師有咩方法可以幫到你係短時間内練啱練快。
Good luck!

2009-08-05 00:18:05 補充：
發問同學：你好奇怪喎......
你話“唔好以為你（我）唔識睇英文, 只係會睇得明中文...”係你自己用中文提問先會有人相應地用中文答返你，從來無人質疑你唔識睇英文喎，你想法是否太過偏激。
仲有我覺得三位回答者既方式、分析各有唔同，識睇既人唔會覺得差唔多咯，首先分析角度已有分別。大家都係想幫你，只係比客觀意見你參考。
同時，回答問題雖有針對性但未必只係為左一次考試——瀏覽知識既人成千上萬，好多人都會遇到類似問題，若只為左幫個人既一項試題未免過於膚淺。有些問題只係音或key唔同，其實原理一樣——回答問題既同時可幫更多人解決問題，有咩唔好？