放榜後的煩惱(IVE,台灣,毅進讀書)

上面個位朋友仔都解釋得好清楚，以下係我o既意見，我同我細佬都有經歷過呢個情況，先講我o既。

我中五畢業，repeat左一年，都係考得唔好，雖然可以勉強上中六，但我個時諗我升到中六，都入唔到大學，到最後又係讀ive、副學士，咁點解我浪費2年時間呢﹖

所以去左珠海書院讀，雖然讀4年，但我都快人地1年畢業，個時仲未有咁多野讀架，你地好幸運，有咁多選擇。我個時冇揀其他，第一貴，第二無興趣，第三讀完出離都唔知有咩用，第四認受性極低。

至於我細佬，佢上年中五畢業，成績好差，我地一早睇定好多學校，但發覺認受性唔高，學費又貴，唔太化算。

--->ive一年要1.6萬，第二年又貴d，年年加，之後博入大學。

--->副學士，講緊3、4萬1年，我可以話比你知係冇乜人想請副學士o既人架，我地公司寧願請f.7，你連政府工都只係承認係中七學歷，但你咁就洗左幾十萬。
但你可以博上大學，但機會率好低，你要超勤力。

--->文憑，要讀完文憑先可以讀高級文憑，一張文憑都要2-3萬，讀曬又係洗十幾萬。而且得文憑，幾乎係冇咩用，只係好過中五少少。

最後我細佬揀左台灣升學，先係僑大讀一年先修班，再讀4年大學。

至於認受性，可以係香港做番個學術評審，佢地會評定你屬於咩級別。

其實台灣大學都冇話承唔承認，因為連中國都接受台灣學歷，只係你老細點睇。如果話人地d學校易入，咁好多國家都好易入，都係比錢買學位，西方國家都有好多野雞學校。

到最後係視乎你自己心態問題，如果你唔勤力係讀度讀都係一樣。

p.s. 你想讀幼兒教育，其實你可以去睇下香港其他專科學校，唔一定ive同副學士。我有個朋加佢係台灣讀中文系，master讀管理，佢而家番左香港教書，但佢都有讀番教育o既認可證書。
毅進你就咪讀喇，幾乎0認受性，又貴

唔好讀毅進同IVE，因為冇用架﹗無謂浪費你既時間…我諗你都係到台灣讀書好過。起碼返嚟都叫做大學生，機會都多過呢羣讀毅進&IVE既學生。唔好係香港讀副學士，因為都係冇用架。你問下人，有幾多個副學士學生可以上到大學？機會低到不得了。我建議你到海外做交流生，之後再到美國讀社區大學。完成兩年既副學士後，你好容易可以進入一些名牌大學繼續升上大三及大四。只要你既成績不過不失既話，進入有名既大學一點都唔難。事實上，有很多社區大學都跟一些名牌大學掛抅架。再唔係既話可以回流香港繼續讀大三及大四﹐只要拎住美國既副學士証書，絶對有香港既大學收你。(不過港大就未必收)但你可以試…。要知道始終放過洋既學生都吃香過本土既學生。做交流生既費用亦不算高，大約8萬蚊左右。美國社區大學一樣平，大約每年13萬左右。(包埋食宿在內架啦)

你好
看到你對放榜及前路都有點困擾

歡迎你致電聖公會會考放榜輔導熱線
電話是82039071
我們會有輔導員與你一起探討出路以及提供資訊.