✔ 最佳答案
我未租過,亦都未見過,但聽人講火炭既世紀單車有,大埔寶鄉街既東京城都有.而價格大約係50-80左右,另淨租普通既單車全日就約40-60,別區交車20-40.以上兩間都不提供別區交車的.
在回答第二條問題前,我想問你打算在那兒租??如在大埔海濱公園單車亭租,就向大埔方向踩,至遇到第一條橋既既路口轉右,上到上面再轉右,一直踩,至第一個分乂口轉右,又一直踩,在近盡處有兩條隧道,兩條都岩的,不過我建議你選擇第一條,而第二條係有指示的(我頭像果D),而第一條就過馬路唔使等咁耐,第二條就耐少少.
之後一直跟大路踩便行,全程唔使出馬路,不過至單車街後就要過安全島再過對面,但好安全的,因少車.一直直行,或沿少車用既馬路直行(唔係新娘潭路呀!!),過閘後要推車上斜,至頂後可上返車,之後便至船灣淡水湖大霸,你可踩去對面既白沙頭,不過我唔建議你入閘,否則可能會被罰錢的.
其實日日都有人踩,特別係暑假,就算唔識路你都可以問人,梗有一個識路既人係你左右的.
大埔至大尾篤一程兩小時內,你可在大尾篤交車,但租車前請問清楚,回程時間也大約,距離就一程8公里,唔長的.
而飲料方面,我建議你自己帶,因大尾篤既可樂係$10罐的,節約金錢喔,雪條好似係8蚊,假日你可以去雪糕車買雪糕食,位置係巴士站果邊.
如你打算係大尾篤交車並燒烤,預算消費約60-120一位.有D可以釣魚,不過要加錢的.
~報告完畢~