狗狗晚晚4,5點就吠點算好!!

其實你訓覺既時候會困係晌籠度定係自由狗呢?
其實兩者都有可能令狗狗吠或者有聲~
原因多數因為狗狗未習慣新環境, 佢覺得無安全感!
要見到你地先會靜, 未必係想食野或者去廁所!
我初初買隻狗狗返黎都係咁~
其實狗係鍾意一d細小狹窄既地方休息~
越黑越細既地方佢地越有安全感~
狗吠既原因, 我覺得係因為驚而引發既多~
所以你試下困佢係籠用毛巾包住個籠~
等佢有更多安全感, 隨後令佢慢慢開始習慣哩個新環境~
佢就唔會成日吠架喇~

2009-08-02 23:56:18 補充：
其實狗狗四個月大盡量都困籠喇, 再將狗籠圍晒毛巾!
我諗你係俾毛巾佢玩? 同埋你果隻係咩狗黎架?
其實我其中一隻狗而家都係得六個月大, 佢三個月大果時返黎!
初初都係自由狗無困籠, 佢無嘈, 但係我成屋d野都俾佢咬爛晒!
後尾我決定將佢困返係籠, 但係佢就係咁吠係咁吠,
最後我就將個籠圍晒毛巾等佢咩都望唔到間屋! 淨係望住毛巾!
之後就無吠喇~又或者咁, 你隻狗狗打齊針未呀? 你可以帶佢落街散步!
如果未打齊針你都多d抱住佢落街周圍望下野, 等佢攰d!
夜晚就無咁活躍架喇~

我隻狗狗初來果幾日都係咁架,真係無覺好訓架,不過依家叫做好d啦,可能之前我們較鬧鐘是6.00左右起身,之後再整野比他食,之後就返工,咁牠依家每朝都是6點左右先吠,好像鬧鐘咁.....
我們都唸左好多方法架,終於有次行得通,你可以試下,我有晚同他玩到好夜先比囡囡訓,係真是玩,不是由得牠自己行,等囡囡玩得倦點,差不多1點先比牠訓,牠果晚真係無再叫啦,好順利咁去到6-7am才會叫你,之後的每日都無半夜叫啦,你試下啦

2009-08-03 13:19:20 補充：
逢星期日我不會咁早起身,牠吠我就罵牠(因為係困籠,所以隔住房罵)罵完停一陣,再吠,如此重覆4次左右,牠就不再吠啦,到我醒左果時,見牠都一樣訓緊覺...講左好多無關既野添...sorry!
除左玩夜d,如果牠夜晚訓醒(其實最好係困籠,對bb會安全d),你可以係牠的視線範圍內訓覺,開頭牠都可能會吠,你就好惡咁罵牠,一想出聲就話no,no得3-4次,牠就會靜,之後扒低望住你,你就在果時扮下訓覺,咁一陣牠都會訓架啦,等她訓得一陣,你就可以自己去訓(記得關燈)