佢口就話明白我地完全冇野，只係朋友（事實亦如此）；但又話唔想我同人咁 close
並且話明白嗰個朋友唔係要同佢爭，但佢感覺上好似要爭同我 close 咁，覺得咁好唔舒服
佢覺得唯有佢退出先係辦法，但又好唔捨得我咁
已經好一段時間都係糾纏緊呢個問題，期間我地既關係有時會好啲，有時會差啲
但始終冇見返面，佢亦冇想見我，並且話我一日同佢一齊，一日會推開我唔想見我
仲怪我冇做啲野令佢開心
我就覺得我並冇迫佢接受嗰個朋友，並且情人既關係同朋友點可能等同，點會發生佢所謂爭唔爭我既情況？
大家認為應該點
更新1:
hkpeopleinau，我分得好清楚，朋友只係朋友，女友係女友，我同嗰個朋友根本冇我對我女友嗰種感覺，我當佢就好似兄弟咁樣。所以更加唔明點解佢會因為我同朋友 close 所以就覺得有威脅囉
更新2:
janis你誤會喇，我從來冇話同佢係情人呀，我話情人既關係同朋友唔等同，女性朋友係朋友，而女友係情人。我好清楚我係鍾意我女友，我同嗰位女性朋友係朋友關係，當中完全冇一腳踏兩船。我同女性朋友之間再 close 都只係傾偈吹水同合作做啲嘢，絕冇任何越軌 我同佢其實只係網友黎架咋，從來冇打算見，根本連越軌既可能都冇 我女友係現實實實在在以往成日見面既，我真係唔明一個基本上只係吹水既網友點會有威脅囉…
更新3:
fish，佢都已經講到明好介意喇。不過我同佢既 close 都只係限於傾偈同 msg 咋喎，我地連約出黎見都唔會呀…如果我女朋友有一個男仔做佢好朋友，而嗰個男仔就冇可能係一個威脅既話，咁我會戥女友開心添，而且我都應該會想同嗰個男仔做埋一份朋友，絕唔會小器到咁囉… 不過 to make the matter worse，我女友同嗰個女性朋友本身大家唔鍾意大家 佢次次提親件事都好多不滿咁，仲成日要我同嗰個朋友絕交 我都好想啗返佢，畀到快樂佢，但係佢因為件事連見我都唔想，仲畀好多麻煩野我，我冇辦法感受到佢愛我、珍惜我、需要我，我仲點可以付出呢？
更新4:
港男：我都曾經諗過，嗰個朋友亦曾經同我絕交，以幫我挽回我同女友既關係，但我好嬲，鬧返佢點解咁輕視我地既 friendship，後來佢又軟化返 如果我連一段友誼都唔好好珍惜，我配愛一個人咩？ 即使我同朋友絕交去換取女友返黎，我會一直都咩住反骨出賣朋友既道德包袱，我咁會開心咩？咁換返黎既感情又有咩意思呢？
